Галоўныя навіны

Лукашэнка: праўда Перамогі і энергія стварэння дапамагаюць беларусам быць мацнейшымі

9 мая, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў суайчыннікаў з Днём Перамогі. Аб гэтым БЕЛТА паведамілі ў прэс-службе беларускага лідара.

"Гэта свята стала сімвалам нязломнай волі беларускага народа перад нечалавечымі выпрабаваннямі, увасабленнем усенароднага супраціўлення нацызму ў любых яго абліччах, - гаворыцца ў віншаванні. - Памяць аб подзвігу пакалення пераможцаў праз час выступае вялікай аб'яднальнай сілай, служыць жыццёвым арыенцірам для нас, хто не ведаў жахаў вайны і цяжару пасляваеннага аднаўлення".

Праўда Перамогі і энергія стварэння дапамагаюць беларусам быць мацнейшымі, забяспечваюць надзейную абарону і працвітанне роднай зямлі, упэўнены кіраўнік дзяржавы. "Умацоўваючы яе патэнцыял і аўтарытэт сваімі працоўнымі перамогамі і дасягненнямі, сучаснікі робяць усё, каб ніхто і ніколі не змог нас зламаць і знішчыць", - дадаў Прэзідэнт.

Ён падкрэсліў, што ў гэтыя дні Беларусь аддае даніну павагі ўсім, хто паклаў свае жыцці на алтар Перамогі, знішчыў фашысцкае зло, падарыў чалавецтву мірную будучыню і надзею на тое, што самая жорсткая ў яго гісторыі вайна стане апошняй.

"Мы памятаем кожнага, хто загінуў у той вайне, хто граміў ворага на фронце, вёў з ім барацьбу ў радах партызан і падпольшчыкаў, хто забяспечваў надзейны тыл і самааддана працаваў, і ўдзячны тым, хто сёння беражліва захоўвае і перадае памяць аб бессмяротным подзвігу", - заявіў Аляксандр Лукашэнка. - Жадаю нашым дарагім ветэранам моцнага здароўя, бадзёрасці духу, даўгалецця і дабрабыту, а таксама шчасця, міру і дабра кожнай беларускай сям'і".

Віншаванне Прэзідэнта з Днём Перамогі

Дарагія суайчыннікі!

Віншую вас с Днём Перамогі!

Гэта свята стала сімвалам нязломнай волі беларускага народа перад нечалавечымі выпрабаваннямі, увасабленнем усенароднага супраціўлення нацызму ў любых яго абліччах.

Памяць аб подзвігу пакалення пераможцаў праз час выступае вялікай аб'яднальнай сілай, служыць жыццёвым арыенцірам для нас, хто не ведаў жахаў вайны і цяжару пасляваеннага аднаўлення.

Упэўнены, праўда Перамогі і энергія стварэння дапамагаюць беларусам быць мацнейшымі, забяспечваюць надзейную абарону і працвітанне роднай зямлі. Умацоўваючы яе патэнцыял і аўтарытэт сваімі працоўнымі перамогамі і дасягненнямі, сучаснікі робяць усё, каб ніхто і ніколі не змог нас зламаць і знішчыць.

У гэтыя дні Беларусь аддае даніну павагі ўсім, хто паклаў свае жыцці на алтар Перамогі, знішчыў фашысцкае зло, падарыў чалавецтву мірную будучыню і надзею на тое, што самая жорсткая ў яго гісторыі вайна стане апошняй.

Мы памятаем кожнага, хто загінуў у той вайне, хто граміў ворага на фронце, вёў з ім барацьбу ў радах партызан і падпольшчыкаў, хто забяспечваў надзейны тыл і самааддана працаваў, і ўдзячны тым, хто сёння беражліва захоўвае і перадае памяць аб бессмяротным подзвігу.

Жадаю нашым дарагім ветэранам моцнага здароўя, бадзёрасці духу, даўгалецця і дабрабыту, а таксама шчасця, міру і дабра кожнай беларускай сям'і.

Аляксандр Лукашэнка.

9 мая 2023 г.

версія для друку

зрабіць стартавай

дабавіць у выбранае