Галоўныя навіны
Лукашэнка: нацыянальны дабрабыт беларускага народа трымаецца на жаночым імкненні да стварэння
8 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў суайчынніц з Днём жанчын. Аб гэтым БЕЛТА паведамілі ў прэс-службе кіраўніка дзяржавы.
"Мы заўсёды сустракаем доўгачаканую вясну, захапляючыся душэўнай прыгажосцю, прывабнасцю і мудрасцю нашых мілых жанчын. Дзякуючы вашым чулым сэрцам і пяшчотнаму клопату з пакалення ў пакаленне захоўваюцца вера ў святасць мацярынства і моц сямейнага ачага, які аберагаецца вамі", - гаворыцца ў віншаванні.
Кіраўнік дзяржавы падкрэсліў, што ва ўсе часы мір на роднай зямлі, нацыянальны дабрабыт і годнасць беларускага народа трымаліся на жаночым імкненні да стварэння, здольнасці жанчын любіць і натхняць мужчын на гераічныя подзвігі, выхоўваць дзяцей у павазе да Айчыны.
"Дзякуй, што, рэалізуючы свае таленты і прафесійныя ўменні ў самых розных сферах грамадскай і дзяржаўнай дзейнасці, вы застаяцеся адданымі традыцыйным каштоўнасцям, сем'ям і галоўнаму прызначэнню - прадаўжаць жыццё на Зямлі і рабіць свет лепшым", - адзначыў у віншавальным пасланні Аляксандр Лукашэнка.
Прэзідэнт пажадаў усім жанчынам моцнага здароўя, шчасця, радасці і заўсёды веснавога настрою.
Віншаванне Прэзідэнта Беларусі з Днём жанчын
Дарагія суайчынніцы!
Віншую вас з цудоўным святам - Днём жанчын.
Мы заўсёды сустракаем доўгачаканую вясну, захапляючыся душэўнай прыгажосцю, прывабнасцю і мудрасцю нашых мілых жанчын. Дзякуючы вашым чулым сэрцам і пяшчотнаму клопату з пакалення ў пакаленне захоўваюцца вера ў святасць мацярынства і моц сямейнага ачага, які аберагаецца вамі.
Ва ўсе часы мір на роднай зямлі, нацыянальны дабрабыт і годнасць беларускага народа трымаліся на жаночым імкненні да стварэння, вашай здольнасці любіць і натхняць нас, мужчын, на гераічныя подзвігі, выхоўваць дзяцей у павазе да Айчыны.
Дзякуй, што, рэалізуючы свае таленты і прафесійныя ўменні ў самых розных сферах грамадскай і дзяржаўнай дзейнасці, вы застаяцеся адданымі традыцыйным каштоўнасцям, сем'ям і галоўнаму прызначэнню - прадаўжаць жыццё на Зямлі і рабіць свет лепшым.
Жадаю ўсім вам моцнага здароўя, шчасця, радасці і заўсёды веснавога настрою.
Аляксандр Лукашэнка.
версія для друку
зрабіць стартавай
дабавіць у выбранае