Галоўныя навіны
Лукашэнка: Беларусь за гады незалежнасці стала астраўком бяспекі і міралюбнасці
2 ліпеня, Мінск /Кар. БЕЛТА/. Беларусь за гады незалежнасці стала астраўком бяспекі і міралюбнасці. Аб гэтым гаворыцца ў віншаванні Прэзідэнта Беларусі Аляксандра Лукашэнкі суайчыннікам з нагоды Дня Незалежнасці, паведамілі БЕЛТА ў прэс-службе беларускага лідара.
"За гады незалежнасці Беларусь дабілася добрых вынікаў у прамысловасці і сельскай гаспадарцы, сацыяльнай і навуковай сферах, знешняй палітыцы і абаронным комплексе. Яна стала астраўком бяспекі і міралюбнасці, дзе ў грамадзян ёсць упэўненасць у сваёй будучыні і ўсе магчымасці атрымаць дастойную адукацыю, спакойна працаваць і гадаваць дзяцей", - гаворыцца ў віншаванні.
Аляксандр Лукашэнка выказаў перакананне, што беларускі народ паспяхова прадоўжыць рух па шляху стварэння і дынамічнага развіцця роднай Айчыны.
"У гэтым годзе мы адзначаем юбілей - 25-годдзе суверэнітэту нашай дзяржавы. Гэта свята ўвасабляе ў сабе гістарычную пераемнасць і выбар самастойнага шляху развіцця краіны, заснаванага на прынцыпах справядлівасці, клопату аб людзях, сацыяльна-палітычнай стабільнасці і шматвектарнай знешняй палітыкі", - адзначаецца ў віншаванні.
Віншаванне Прэзідэнта Беларусі з Днём Незалежнасці
Дарагія суайчыннікі!
Сардэчна віншую вас з Днём Незалежнасці Рэспублікі Беларусь.
У гэтым годзе мы адзначаем юбілей - 25-годдзе суверэнітэту нашай дзяржавы. Гэта свята ўвасабляе ў сабе гістарычную пераемнасць і выбар самастойнага шляху развіцця краіны, заснаванага на прынцыпах справядлівасці, клопату аб людзях, сацыяльна-палітычнай стабільнасці і шматвектарнай знешняй палітыкі.
Лёсавызначальнае значэнне для нашага народа мае 3 ліпеня - дзень вызвалення сталіцы Беларусі ад фашыстаў. У ходзе ўсенароднага волевыяўлення гэта дата стала і Днём Рэспублікі. Сёння мы па традыцыі аддаём даніну павагі і памяці загінулым на палях бітваў у імя вызвалення Радзімы і ўшаноўваем ветэранаў Вялікай Айчыннай вайны за іх ратныя і працоўныя подзвігі.
За гады незалежнасці Беларусь дабілася добрых вынікаў у прамысловасці і сельскай гаспадарцы, сацыяльнай і навуковай сферах, знешняй палітыцы і абаронным комплексе. Яна стала астраўком бяспекі і міралюбнасці, дзе ў грамадзян ёсць упэўненасць у сваёй будучыні і ўсе магчымасці атрымаць дастойную адукацыю, спакойна працаваць і гадаваць дзяцей.
Перакананы, разам мы паспяхова прадоўжым рух па шляху стварэння і дынамічнага развіцця роднай Айчыны. Жадаю ўсім моцнага здароўя, невычэрпнай энергіі, шчасця і дабрабыту.
З Днём Рэспублікі!
Аляксандр Лукашэнка.
версія для друку
зрабіць стартавай
дабавіць у выбранае