Галоўныя навіны

16 чэрвеня, Мінск /Святлана Саўко - БЕЛТА/. Беларусь і АБСЕ супрацоўнічаюць у рэалізацыі жыццёва важных для Еўропы праектаў. Аб гэтым заявіў Прэзідэнт Беларусі Аляксандр Лукашэнка на сустрэчы з генеральным сакратаром АБСЕ Ламберта Заньерам і дырэктарам БДІПЧ АБСЕ Міхаэлем Георгам Лінкам, перадае карэспандэнт БЕЛТА.

Аляксандр Лукашэнка адзначыў, што супрацоўніцтва Беларусі і АБСЕ носіць даволі інтэнсіўны характар. Шэраг праектаў ужо рэалізаваны. "Гэта праекты, што датычацца процідзеяння гандлю людзьмі, пагранічнай бяспекі, аховы навакольнага асяроддзя", - нагадаў Прэзідэнт. На чарзе праекты па ўтылізацыі вадкага ракетнага паліва, а таксама па праблемах з наркатрафікам.

Кіраўнік дзяржавы выказаў упэўненасць, што Беларусі і АБСЕ ўдасца дагаварыцца па рэалізацыі гэтых праектаў, таму яны жыццёва важныя для Еўропы ў цэлым.