Галоўныя навіны

Лукашэнка і Пуцін абмеркавалі сітуацыю ў свеце, эпідэмію COVID-19, перавалку тавараў, нафтагазавую тэматыку

Фото из архива

5 лістапада, Мінск /Кар. БЕЛТА/. Тэлефонная размова прэзідэнтаў Беларусі і Расіі адбылася 4 лістапада вечарам. Прадметна і грунтоўна Аляксандр Лукашэнка і Уладзімір Пуцін абмеркавалі самы шырокі спектр тэм, паведамілі БЕЛТА ў прэс-службе беларускага лідара.

У прыватнасці, аднымі з асноўных пытанняў сталі сітуацыя з распаўсюджваннем COVID-19, абстаноўка вакол Беларусі і Расіі, а таксама ўнутры дзвюх краін. "У частцы процідзеяння інфекцыі размова ішла аб арганізацыі вытворчасці вакцыны ў Беларусі, перадачы расійскіх тэхналогій і тэхналагічнага працэсу для гэтай вытворчасці. Такая прапанова беларускага лідара была падтрымана расійскім калегам", - расказалі ў прэс-службе.

Прадметам дэталёвага абмеркавання стала і сітуацыя ў свеце. У прыватнасці, у Злучаных Штатах Амерыкі і суседніх з Беларуссю краінах - Польшчы, Літве, Украіне.

Падрабязна абмеркавалі лідары і актуальныя пытанні ўнутранага парадку дня Расіі і Беларусі.

З іншых актуальных тэм размовы - пытанне перавалкі беларускіх тавараў з порта Усць-Луга, ваенна-тэхнічнае супрацоўніцтва.

Ішла размова і аб пачатку перагавораў па пастаўках вуглевадародаў - нафты і газу - у Беларусь у будучым годзе. "Усе пытанні ў гэтым напрамку кіраўнікі дзяржаў дамовіліся вырашаць аператыўна. Таксама Прэзідэнт Беларусі звярнуўся да расійскага калегі з просьбай аб магчымым набыцці радовішча нафты на тэрыторыі Расіі. Уладзімір Пуцін гэту ідэю падтрымаў. Пасля прапрацоўкі пытанне больш дэталёва будзе абмеркавана ў час бліжэйшых перагавораў", - праінфармавалі ў прэс-службе.

Акрамя таго, Аляксандр Лукашэнка падзякаваў і праінфармаваў расійскага калегу аб завяршэнні работ па ўключэнні першага энергаблока беларускай АЭС у энергасістэму.

версія для друку

зрабіць стартавай

дабавіць у выбранае