Галоўныя навіны

Беларуская лёгкаатлетка Сафія Каралёнак перамагла ў кіданні молата на II Гульнях краін СНД

6 жніўня, Мінск /Кар. БЕЛТА. На спаборніцтвах па лёгкай атлетыцы ІІ Гульняў краін СНД разыграны першы камплект узнагарод, паведамляе карэспандэнт БЕЛТА.

На базе РЦАП па лёгкай атлетыцы мацнейшых вызначалі юныя кідальніцы молата, два лепшыя вынікі паказалі прадстаўніцы Беларусі. Золата заваявала Сафія Каралёнак, якая ў лепшай са спроб адправіла снарад на 64,15 м. Серабро дасталася нашай Вераніцы Шчарбянок, якая кінула молат на 60,83 м. Тройку лепшых дапоўніла расіянка Варвара Іванова (58,57 м).

6 жніўня на спаборніцтвах па лёгкай атлетыцы на II Гульнях краін СНД будуць праведзены яшчэ 11 фіналаў. Большасць відаў праграмы прымае Нацыянальны алімпійскі стадыён "Дынама".

версія для друку

зрабіць стартавай

дабавіць у выбранае