Галоўныя навіны

Ад калінінградскага транзіту да пытанняў абароны. Лукашэнка і Пуцін правялі тэлефонную размову

Фота з архiва

11 ліпеня, Мінск /Кар. БЕЛТА/. Тэлефонная размова прэзідэнтаў Беларусі і Расіі Аляксандра Лукашэнкі і Уладзіміра Пуціна адбылася 11 ліпеня. Аб гэтым БЕЛТА паведамілі ў прэс-службе беларускага лідара.

Сур'ёзна і грунтоўна кіраўнікі дзяржаў абмеркавалі тэматыку калінінградскага транзіту - гэта тэма ў час размовы стала адной з асноўных.

Таксама лідары абмеркавалі ход спецыяльнай ваеннай аперацыі.

Дэталёва спыніліся і на сітуацыі на постсавецкай прасторы.

Яшчэ адной з цэнтральных тэм, абмеркаванне якой заняло шмат часу, сталі пастаўкі расійскіх энерганосьбітаў у Еўропу. Прэзідэнт Расіі падрабязна праінфармаваў беларускага калегу аб сітуацыі, якая складваецца. Ён адзначыў, што ў сувязі са шматлікімі складанасцямі напярэдадні зімовага перыяду - вялікага дэфіцыту і сур'ёзнай абстаноўкі з пастаўкамі ў цэлым - Расія гатова выканаць свае абавязацельствы і па жаданні краін Заходняй Еўропы забяспечыць пастаўкі прыроднага газу і іншых энерганосьбітаў.

Важнымі тэмамі размовы сталі таксама пастаўкі беларускіх тавараў цераз парты Санкт-Пецярбурга і будаўніцтва беларускага порта ў Бронцы.

Акрамя таго, у развіццё перагавораў у час нядаўняй сустрэчы прэзідэнты Беларусі і Расіі прадоўжылі абмеркаванне пытанняў забеспячэння абароны і бяспекі дзвюх краін.

Закранулі лідары і іншыя пытанні двухбаковых адносін, абмеркаваўшы ў тым ліку графік будучых сустрэч.

версія для друку

зрабіць стартавай

дабавіць у выбранае