Запрашаем да фінансавання гуманітарных праектаў

Гуманітарны праект у горадзе Жыткавічы

Назва праекта: "Рэабілітацыя маладых інвалідаў у спартыўнай зале на базе аддзялення дзённага знаходжання інвалідаў і грамадзян пажылога ўзросту"

Тэрмін рэалізацыі праекта: 1 год

Арганізацыя-заяўнік, якая прапануе праект: Жыткавіцкі тэрытарыяльны цэнтр сацыяльнага абслугоўвання насельніцтва

Мэты праекта: паляпшэнне фізічнага стану і здароўя маладых інвалідаў і грамадзян пажылога ўзросту з мэтай стварэння магчымасці абслугоўваць ім сябе самастойна як мага даўжэй без дапамогі дзяржавы, шляхам садзейнічання ў рэалізацыі мерапрыемстваў, накіраваных на падтрымку і развіццё адаптыўнай фізічнай культуры і адаптыўнага спорту на тэрыторыі г. Жыткавічы шляхам стварэння шматфункцыянальнай спартыўнай залы на базе аддзялення дзённага знаходжання інвалідаў і грамадзян пажылога ўзросту Жыткавіцкага ТЦСАН; стварэння "ўніверсальнага безбар'ернага асяроддзя" для дзяцей з абмежаванымі магчымасцямі здароўя і інвалідаў. 

Задачы, запланаваныя да выканання ў рамках рэалізацыі праекта:

1. Арганізаваць рэгулярныя заняткі ў трэнажорнай зале для інвалідаў і дзяцей з абмежаванымі магчымасцямі, а таксама грамадзян пажылога ўзросту.

2. Арганізаваць умовы для правядзення заняткаў для сем'яў з дзецьмі-інвалідамі.

3. Закупіць, даставіць і ўстанавіць неабходнае спецыялізаванае абсталяванне для спартыўнай залы.

Мэтавая група: інваліды, дзеці з абмежаванымі магчымасцямі здароўя і іх сем'і, грамадзяне пажылога ўзросту.

У выніку рэалізацыі праекта плануецца ахапіць не менш як 50 сем'яў і не менш як 80 чалавек.

Кароткае апісанне мерапрыемстваў у рамках праекта: 

Дзейнасць па праекце ўключае тры этапы.

1-ы этап. Падрыхтоўчы. Закупка і дастаўка абсталявання, заключэнне дагавораў, уключэнне інвалідаў у групы для заняткаў адаптыўнай фізічнай культурай, правядзенне агульнага бацькоўскага сходу па арганізацыйных пытаннях, прыцягненне грамадзян пажылога ўзросту.

   
Будуць праведзены ўрачэбныя кансультацыі з інвалідамі і іх бацькамі па распрацоўцы індывідуальных методык заняткаў з улікам медыцынскіх паказанняў.

2-і этап. Асноўны. У рамках гэтага этапу будзе арганізавана:

1. Распрацоўка праграм заняткаў па рэабілітацыі для груп інвалідаў і грамадзян пажылога ўзросту спецыялістамі: кансультацыі з урачом па лячэбнай фізкультуры, трэнерам па адаптыўнай фізкультуры.

2. Прыцягненне псіхолага для кансультацыі і дапамогі.

Аздараўленчыя заняткі для інвалідаў з парушэннямі апорна-рухальнага апарату з'яўляюцца найбольш эфектыўным сродкам комплекснай рэабілітацыі, карэкцыі і кампенсацыі рухальных парушэнняў, развіцця фізічных якасцей і каардынацыйных здольнасцей, а таксама выхоўваюць эмацыянальна-валявыя і асобасныя якасці. Несумненна, будзе ўлічвацца фактар медыцынскіх паказанняў індывідуальна па кожным. Заняткі будуць праводзіць трэнеры па адаптыўнай фізкультуры, якія маюць кваліфікацыю і вопыт работы.

3. Цыкл кансультацый для бацькоў па праграмах заняткаў па рэабілітацыі для дзяцей з абмежаванымі магчымасцямі, кансультацыі спецыялістаў па актуальных для бацькоў пытаннях.

4. Правядзенне сумесных заняткаў і спартыўных мерапрыемстваў, вольнага часу сем'яў з дзецьмі-інвалідамі, інвалідамі і грамадзянамі пажылога ўзросту.

3-і этап. Заключны.

1. Збор зваротнай сувязі ад удзельнікаў праекта. Правядзенне паўторных медыцынскіх абследаванняў з мэтай выяўлення дасягнутых вынікаў. Аналіз атрыманых даных і падвядзенне вынікаў рэалізацыі праекта.

2. Падрыхтоўка відэадыска з матэрыяламі аб рэалізацыі праекта для далейшага распаўсюджвання сярод зацікаўленых арганізацый і бацькоў дзяцей-інвалідаў.

3. Планаванне далейшай работы з мэтавай групай па выніках рэалізацыі праекта.

Агульны аб'ём фінансавання (у доларах ЗША): 115 511
Крыніца фінансавання: аб'ём фінансавання (у доларах ЗША)

• Сродкі донара: 114 511
• Суфінансаванне: 1 000

Месца рэалізацыі праекта: Гомельская вобласць, г. Жыткавічы

Кантактная асоба: Марозава А.С., спецыяліст па сацыяльнай рабоце, (802353) 21796, alyona2017@list.ru

версія для друку

зрабіць стартавай

дабавіць у выбранае