Запрашаем да фінансавання гуманітарных праектаў

Гуманітарны праект дзяржаўнай установы "Цэнтр сацыяльнага абслугоўвання насельніцтва Слонімскага раёна" шукае спонсараў

Назва праекта: "SOS-кватэра"

Тэрмін рэалізацыі праекта: 18 месяцаў

Арганізацыя-заяўнік, якая прапануе праект: дзяржаўная ўстанова "Цэнтр сацыяльнага абслугоўвання насельніцтва Слонімскага раёна"

Мэта праекта: дапамога жанчынам і дзецям, якія пацярпелі ад насілля ў сям'і, папулярызацыя ідэі гендарнай роўнасці, выкараненне гендарных стэрэатыпаў, пераадоленне насілля над жанчынамі і дзецьмі ў сям'і, зніжэнне талерантнасці да насілля.

Задачы, запланаваныя да выканання ў рамках рэалізацыі праекта:

- набыццё і ўладкаванне "SOS-кватэры" для прадастаўлення часовага прытулку ахвярам насілля ў сям'і;
- рэабілітацыя пацярпелых ад насілля;
- навучанне жанчын, якія пацярпелі ад насілля, рукадзеллю з мэтай павышэння іх фінансавага дабрабыту;
- арганізацыя работы "тата-школ" для прафілактычнай работы з бацькамі ў сем'ях.

Мэтавая група: сем'і, якія выхоўваюць дзяцей, ахвяры насілля ў сям'і і агрэсары.

Кароткае апісанне мерапрыемстваў у рамках праекта:

Набыццё кватэры, пераабсталяванне яе ў "SOS-кватэру".

Забеспячэнне матэрыяльна-тэхнічнай базы для работы кватэры з мэтай арганізацыі комплекснай дапамогі ахвярам насілля: прадастаўленне прытулку, псіхалагічнай, юрыдычнай, пасрэдніцкай, кансультацыйнай дапамогі.

Адкрыццё цёмнага сэнсарнага пакоя для зняцця празмернага псіхаэмацыянальнага напружання мам (жанчын), мам і дзяцей, якія трапілі ў крызісную сітуацыю, падрыхтоўкі іх да далейшай работы над сабой і над пераадоленнем крызіснай сітуацыі.

Арганізацыя навучальных курсаў і/або майстар-класаў па рукадзеллі для мам (жанчын) з мэтай іх самавыяўлення, павышэння самаацэнкі і ўпэўненасці ў сабе, актуалізацыі імкнення да росту і развіцця асобы, а таксама для набыцця магчымасці дадатковага або нават асноўнага заработку, павышэння фінансавай незалежнасці.

Адкрыццё і забеспячэнне матэрыяльна-тэхнічнай базы для работы "тата-школы", мэта якой аптымізацыя ролі бацькі ў выхаванні дзяцей, фарміраванне пазітыўнага і адказнага бацькоўства.

Агульны аб'ём фінансавання (у доларах ЗША): 90 000

Крыніца фінансавання: Аб'ём фінансавання (у доларах ЗША):

• Сродкі донара: 89 500
• Суфінансаванне: 500

Месца рэалізацыі праекта: Гродзенская вобласць, Слонімскі раён, горад Слонім

Кантактная асоба: А.П.Сіроткіна, псіхолаг дзяржаўнай установы "Цэнтр сацыяльнага абслугоўвання насельніцтва Слонімскага раёна", тэлефон 801562 66487, e-mail: slonimcson@tut.by

версія для друку

зрабіць стартавай

дабавіць у выбранае