Запрашаем да фінансавання гуманітарных праектаў

Гуманітарны праект дзяржаўнай установы культуры "Смаргонскі раённы цэнтр культуры"

Назва праекта: "Фестываль народнай інструментальнай музыкі "Іграеш як знаеш, скачу як хачу"

Тэрмін рэалізацыі праекта: 12 месяцаў

Арганізацыя-заяўнік, якая прапануе праект: дзяржаўная ўстанова культуры "Смаргонскі раённы цэнтр культуры"
 
Мэты праекта: захаванне, развіццё і папулярызацыя беларускай народнай інструментальнай музыкі.

Задачы, запланаваныя да выканання ў рамках рэалізацыі праекта:

1. стварэнне ўмоў для фіксацыі, захавання і развіцця беларускай народнай музычна-інструментальнай традыцыі;
2. прыцягненне ўвагі шырокага кола людзей з Беларусі і краін замежжа да традыцыйнага музычна-інструментальнага выканальніцтва;
3. папулярызацыя народнай музычна-інструментальнай традыцыі Смаргонскага раёна, вядомай у лакальнай супольнасці як "Смаргонскія найгрышы";
4. стварэнне пляцоўкі для культурнага абмену ведамі і навыкамі на рэспубліканскім і міжнародным узроўнях у галіне народнага інструментальнага выканальніцтва;
5. развіццё турыстычнага і культурнага патэнцыялу сельскай мясцовасці.

Мэтавая група: без абмежаванняў

Кароткае апісанне мерапрыемстваў у рамках праекта:

1. арганізацыя фестывалю народнай інструментальнай музыкі, які будзе праходзіць адзін раз у два гады ў сядзібе Ф.Багушэвіча ў аграгарадку Кушляны Смаргонскага раёна:
- набыццё мабільнага сцэнічнага комплексу для выступлення народных музыкантаў;
- набыццё 400 складаных крэслаў і 100 турыстычных дыванкоў для гледачоў;
- набыццё 22 нацыянальных касцюмаў для носьбітаў народнай музычна-інструментальнай традыцыі Смаргоншчыны ў мэтах садзейнічання развіццю гэтага элемента нематэрыяльнай культурнай спадчыны;
- выраб дыпломаў для ўдзельнікаў фестывалю;
- арэнда драўлянай пляцоўкі для танцаў;
- арэнда 2 біятуалетаў;
2. стварэнне і распаўсюджванне рэкламы фестывалю ў сродках масавай інфармацыі і сацыяльных сетках;
3. выданне CD-дыска з 30 аўдыятрэкамі народных музычна-інструментальных мелодый, запісаных на тэрыторыі Смаргонскага раёна, у колькасці 700 штук у мэтах фіксацыі і далейшага асваення гэтых мелодый;
4. правядзенне майстар-класаў па навучанні ўсіх жадаючых ігры на народных інструментах на слых, а таксама народным танцам;
5. выраб тэматычных сувенірных падарункаў для заахвочвання ўдзельнікаў фестывалю (магніты, паштоўкі, буклеты, бірулькі і г.д.);
6. арганізацыя навукова-практычнай канферэнцыі па пытаннях захавання і развіцця беларускай народнай музычна-інструментальнай традыцыі;
7. публікацыя матэрыялаў навукова-практычнай канферэнцыі па пытаннях захавання і развіцця беларускай народнай музычна-інструментальнай традыцыі.

Агульны аб'ём фінансавання (у доларах ЗША): 41 300

Крыніца фінансавання: Аб'ём фінансавання (у доларах ЗША)

• Сродкі донара: 41 300
• Суфінансаванне:

Месца рэалізацыі праекта: аграгарадок Кушляны Смаргонскага раёна Гродзенскай вобласці

Кантактная асоба: А.В.Бобіна, намеснік дырэктара ДУК "Смаргонскі раённы цэнтр культуры", +375159224779; +375445353337, rmcznt2011@yandex.ru; shaturina_elena@mail.ru

версія для друку

зрабіць стартавай

дабавіць у выбранае