Запрашаем да фінансавання гуманітарных праектаў

Гуманітарны праект "Даступны спорт" у горадзе Крупкі

Гуманітарны праект дзяржаўнай установы "Крупскі гарадскі фізкультурна-аздараўленчы комплекс" шукае спонсараў.

Назва праекта: "Даступны спорт". Добраўпарадкаванне адкрытага плоскаснага збудавання футбольнае поле "Лебартова".

Тэрмін рэалізацыі праекта: 24 месяцы

Арганізацыя-заяўнік, якая прапануе праект: упраўленне па адукацыі, спорце і турызме Крупскага райвыканкама

Мэты праекта:

- стварэнне ўмоў, якія забяспечваюць магчымасць для насельніцтва весці здаровы лад жыцця, сістэматычна займацца фізкультурай і спортам;

- фарміраванне жыццёвых норм, якія садзейнічаюць захаванню і ўмацаванню здароўя, выпрацоўцы стэрэатыпаў здаровага ладу жыцця для эфектыўнага процідзеяння негатыўным фактарам сацыяльнага асяроддзя дзяцей і падлеткаў, студэнцкай моладзі, інвалідаў, дарослага насельніцтва, якія пражываюць на тэрыторыі горада Крупкі і Крупскага раёна, у тым ліку дзяцей, якія трапілі ў цяжкую жыццёвую сітуацыю, знаходзяцца на ўліку ў камісіі па справах непаўналетніх і абароне іх правоў, дзяцей-сірот, а таксама павелічэнне эфектыўнасці выхаваўчага працэсу;

- развіццё інфраструктуры фізічнай культуры і спорту Крупскага раёна ў адпаведнасці з сучаснымі патрабаваннямі бяспекі і камфортнасці;

- паляпшэнне фізкультурна-аздараўленчай і спартыўна-масавай работы сярод насельніцтва.

Задачы, запланаваныя да выканання ў рамках рэалізацыі праекта:

- уладкаванне сінтэтычнага пакрыцця лёгкаатлетычнай бегавой дарожкі вакол футбольнага поля;
- уладкаванне зборна-разборных хуткаўзводзімых трыбун з навесам на 200 пасадачных месцаў для гледачоў;
- уладкаванне 2-х лавак для запасных ігракоў з навесам па 8 пасадачных месцаў;
- уладкаванне каманднага блока для судзейскай брыгады;
- уладкаванне 2-х мабільных раздзявалак, з душам і туалетамі, прызначаных для пераапранання і адпачынку спартсменаў;
- замена агароджы і цэнтральных варот "Футбольнага поля "Лебартова";
- уладкаванне ўніверсальнай пляцоўкі для міні-футбола; валейбола; баскетбола; тэніса;
- уладкаванне асвятлення спартыўных пляцовак;
- уладкаванне электроннага табло.

Мэтавая група: усе ўзроставыя і сацыяльныя катэгорыі грамадзян

Кароткае апісанне мерапрыемстваў у рамках праекта:

Капітальны рамонт з элементамі мадэрнізацыі, добраўпарадкавання футбольнага поля "Лебартова".

Агульны аб'ём фінансавання (у доларах ЗША): 200 000

Крыніца фінансавання: аб'ём фінансавання (у доларах ЗША)

• Сродкі донара: 195 000
• Суфінансаванне: 5 000

Месца рэалізацыі праекта: Мінская вобласць, горад Крупкі

Кантактная асоба:

У.А. Ахрамчук, намеснік начальніка ўпраўлення па адукацыі, спорце і турызме Крупскага райвыканкама, тэлефон +375 1796 26 459, e-mail: ofkst.krupki@tut.by;

Н.А. Глінская, дырэктар ДУ "Крупскі гарадскі фізкультурна-аздараўленчы комплекс", тэлефон +375 1796 55 274, е-mail: krupki.FOK@yandex.by

Будзем рады супрацоўніцтву!

версія для друку

зрабіць стартавай

дабавіць у выбранае