Гуманітарнае супрацоўніцтва

Японская прэфектура Міягі і Беларусь будуць развіваць супрацоўніцтва ў аздараўленні дзяцей

У час сустрэчы. Фота Пасольства Рэспублікі Беларусь у Японіі

28 жніўня, Мінск /Аліна Грышкевіч - БЕЛТА/. Японская прэфектура Міягі і Беларусь будуць развіваць супрацоўніцтва ў аздараўленні дзяцей, паведамілі БЕЛТА ў дыпламатычнай місіі Беларусі ў Токіа.

Надзвычайны і Паўнамоцны Пасол Беларусі ў Японіі Руслан Есін гэтымі днямі наведаў гэту прэфектуру. На сустрэчы з намеснікам губернатара рэгіёна Акіешы Кавабатам абмяркоўвалася наладжванне кантактаў прэфектуры з Мінскай вобласцю, разглядаліся стан і перспектывы развіцця супрацоўніцтва паміж беларускімі і рэгіянальнымі японскімі арганізацыямі ў галіне маладзёжнага абмену. Акіешы Кавабата выказаў словы ўдзячнасці кіраўніцтву Беларусі за дапамогу, што аказваецца ў аздараўленні дзяцей з пацярпелых ад землетрасення і цунамі рэгіёнаў.

З мэрам Сендая Кадзука Коры дасягнута дамоўленасць аб прадаўжэнні сумеснай работы па развіцці пабрацімскіх сувязей з Мінскам і правядзенні прэзентацыі прадукцыі беларускіх прадпрыемстваў у Японіі.

Перспектыўным напрамкам супрацоўніцтва можа стаць узаемны абмен турыстычнымі групамі. Гэта і іншыя пытанні абмяркоўваліся на сустрэчы беларускага дыпламата з кіраўніцтвам мэрыі горада Мацусіма.

На пашыранай сустрэчы з удзельнікамі летняй праграмы адпачынку ў Беларусі, на якой прысутнічалі больш за 60 дзяцей з прэфектуры Міягі, выказваліся словы ўдзячнасці ў адрас кіраўніка беларускай дзяржавы за шматгадовую дапамогу, што аказваецца нашай краінай па аздараўленні японскіх дзяцей з пацярпелых рэгіёнаў у "Зубраняці". На мерапрыемстве з прадстаўнікамі японскіх грамадскіх арганізацый, якія ўдзельнічаюць у маладзёжных абменах, разглядаліся магчымасці арганізацыі чарговага выезду японскіх дзяцей на аздараўленне ў Беларусь.

У час сустрэчы. Фота Пасольства Рэспублікі Беларусь у Японіі

версія для друку

зрабіць стартавай

дабавіць у выбранае