Гуманітарнае супрацоўніцтва

Беларускія лякарствы для лячэння пнеўманіі і COVID-19 дастаўлены ў Кыргызстан

Фота з архiва

20 ліпеня, Мінск /Кар. БЕЛТА/. Беларускія лякарствы для лячэння пнеўманіі і COVID-19 дастаўлены ў Кыргызстан, паведамілі БЕЛТА ў прэс-службе Міністэрства аховы здароўя.

"У адпаведнасці з просьбай Кыргызстана беларускія вытворцы аператыўна разгледзелі запыт аб пастаўцы лекавых сродкаў, якія выкарыстоўваюцца для лячэння пнеўманіі і COVID-19. У кароткія тэрміны быў падрыхтаваны груз з пяці найменняў лекавых сродкаў беларускай вытворчасці і адгружаны на борт прэм'ер-міністра Кыргызстана", - расказалі ў прэс-службе.

Увогуле пастаўлена амаль 30 тыс. упаковак лекавых сродкаў, у асноўным антыбіётыкі вытворчасці РУП "Белмедпрэпараты".

Прэм'ер-міністр Кыргызстана Кубатбек Баронаў 17 ліпеня на сустрэчы з Прэзідэнтам Аляксандрам Лукашэнкам адзначыў поспехі Беларусі ў барацьбе з распаўсюджваннем каранавіруснай інфекцыі. Ён лічыць, што беларускі вопыт у процідзеянні COVID-19 можа быць цікавы іншым краінам. Кубатбек Баронаў таксама звярнуў асаблівую ўвагу на высокую якасць медыкаментаў, якія вырабляюцца ў Беларусі.

На праведзенай 17 ліпеня сустрэчы прэм'ер-міністраў дзвюх краін беларускі бок выказаў гатоўнасць прадаставіць Кыргызстану пералік лекавых сродкаў беларускай вытворчасці, што выкарыстоўваюцца пры лячэнні пацыентаў з пнеўманіямі і COVID-19, і метадычныя рэкамендацыі па схемах лячэння.

Як адзначыў генеральны дырэктар рэспубліканскага ўнітарнага прадпрыемства "Кіруючая кампанія холдынга "Белфармпрам" Сяргей Казакевіч, арганізацыяй пастаўкі лекавых сродкаў займаўся холдынг па даручэнні беларускага ўрада.

версія для друку

зрабіць стартавай

дабавіць у выбранае