Гуманітарнае супрацоўніцтва

Беларуская гуманітарная дапамога дастаўлена ў Сірыю

Фота з архіву

12 сакавіка, Мінск /Кар. БЕЛТА/. Беларуская гуманітарная дапамога дастаўлена ў Сірыю. Такая інфармацыя агучана ў эфіры тэлеканала АНТ, паведамляе БЕЛТА.

Гуманітарны груз агульнай вагой больш за 50 т быў сфарміраваны з улікам патрэбнасцей сірыйскага боку. У ім усё самае неабходнае, у тым ліку кампрэсарныя ўстаноўкі, дызель-генератары, інструменты для разборкі завалаў, а таксама школьныя рэчы, парты, дзіцячае адзенне і абутак.

Груз быў адпраўлены ў Сірыю ў канцы мінулага года, учора яго сустрэлі ў порце Латакія. Як паведамляецца, сёння гуманітарную дапамогу накіруюць у Дамаск. Намеснік міністра па надзвычайных сітуацыях Беларусі Ігар Болатаў выказаў надзею, што дзякуючы гэтай дапамозе жыхары Сірыі змогуць адчуць сябе больш абароненымі.

Беларусь па даручэнні кіраўніка дзяржавы ўжо чацвёрты раз аказвае гуманітарную дапамогу Сірыі. Усяго наша краіна больш як 60 разоў з 1999 года адпраўляла такія грузы маючым патрэбу.

версія для друку

зрабіць стартавай

дабавіць у выбранае