Гуманітарнае супрацоўніцтва

Беларусь акажа гуманітарную дапамогу Зімбабвэ

Фота з архiва

30 мая, Мінск /Кар. БЕЛТА/. Беларусь акажа гуманітарную дапамогу Зімбабвэ. Гэта прадугледжана пастановай Савета Міністраў ад 22 мая нумар 360, якая апублікавана на Нацыянальным прававым інтэрнэт-партале, паведамляе БЕЛТА.

Міністэрству па надзвычайных сітуацыях, Міністэрству аховы здароўя, Міністэрству прамысловасці, Міністэрству сельскай гаспадаркі і харчавання, Беларускаму дзяржаўнаму канцэрну па вытворчасці і рэалізацыі тавараў лёгкай прамысловасці даручана забяспечыць водпуск і афармленне матэрыяльных каштоўнасцей для аказання гуманітарнай дапамогі Зімбабвэ.

У пераліку для гуманітарнай дапамогі Зімбабвэ каля 60 пазіцый. У іх ліку мясныя кансервы, лякарствы, гаспадарчае мыла, пакрывалы, пледы, дзіцячыя паліто, курткі, тафлі і іншае.

Забяспечыць арганізацыю дастаўкі гуманітарнай дапамогі даручана Міністэрству па надзвычайных сітуацыях.

Гэта пастанова ўступае ў сілу з дня яе прыняцця.

версія для друку

зрабіць стартавай

дабавіць у выбранае