Гуманітарнае супрацоўніцтва

Беларусь і Кітай дамовіліся аб пастаўцы абсталявання для дактыласкапічнай лабараторыі ДКСЭ

Фота з архiва

30 ліпеня, Мінск /Кар. БЕЛТА/. Беларусь і Кітай заключылі пагадненне аб пастаўцы абсталявання для дактыласкапічнай лабараторыі Дзяржаўнага камітэта судовых экспертыз Беларусі на бязвыплатнай аснове, паведамляе БЕЛТА са спасылкай на сайт Міністэрства эканомікі.

У ведамстве адзначылі, што 29 ліпеня згодна з патрабаваннямі міжурадавага пагаднення аб механізмах двухбаковага супрацоўніцтва па рэалізацыі праектаў тэхніка-эканамічнай дапамогі паміж урадамі Беларусі і Кітая было заключана пагадненне аб пастаўцы абсталявання для аснашчэння дактыласкапічнай лабараторыі ДКСЭ.

Ад беларускага боку дакумент падпісаў міністр эканомікі Аляксандр Чарвякоў, а ад кітайскага - Надзвычайны і Паўнамоцны Пасол Кітайскай Народнай Рэспублікі ў Беларусі Се Сяаюн.

"Пагадненнем прадугледжана пастаўка абсталявання на бязвыплатнай аснове на суму 1 млн кітайскіх юаняў", - гаворыца ў паведамленні Мінэканомікі.

версія для друку

зрабіць стартавай

дабавіць у выбранае