Гуманітарнае супрацоўніцтва

Агляд вынікаў гуманітарнай дзейнасці за 2020 год

У 2020 годзе ў Рэспубліцы Беларусь змянілася заканадаўства аб замежнай бязвыплатнай дапамозе. З 27 жніўня 2020 г. уступіў у сілу Дэкрэт Прэзідэнта Рэспублікі Беларусь ад 25 мая 2020 г. № 3 "Аб замежнай бязвыплатнай дапамозе".

У сувязі з гэтым гуманітарнае супрацоўніцтва ў 2020 годзе ажыццяўлялася ў напрамку растлумачэння норм заканадаўства, рэалізацыі праектаў у гуманітарнай сферы.

Рэалізацыя гуманітарных праектаў у справаздачным перыядзе пераважна вялася ў напрамку аказання дапамогі ў барацьбе з пандэміяй COVID-19, сацыяльнай падтрымкі грамадзян.

У цэлым у рамках гуманітарнага супрацоўніцтва за мінулы год у краіну для рэалізацыі розных сумесных гуманітарных праектаў паступіла замежная бязвыплатная дапамога на суму 91,04 млн долараў ЗША, з якіх у выглядзе грашовых сродкаў – 45,32 млн долараў ЗША, у выглядзе тавараў – 45,72 млн долараў ЗША. Рост у параўнанні з мінулым годам склаў 9,4 працэнта. Гуманітарнае супрацоўніцтва ажыццяўлялася больш як з 60 замежнымі краінамі.

Асноўнымі краінамі-донарамі ў справаздачным перыядзе з'яўляліся: ЗША – 19,03 млн долараў ЗША, Швейцарыя – 14,81 млн долараў ЗША, Польшча – 13,56 млн долараў ЗША, Германія – 11,1 млн долараў ЗША, Кітай – 9,73 долараў ЗША, Аўстрыя – 4,48 млн долараў ЗША, Расія – 4,41 млн долараў ЗША.

У 2020 годзе за кошт замежнай бязвыплатнай дапамогі ў Германіі, Нідэрландах, Італіі прайшлі аздараўленне 69 беларускіх дзяцей.

Пачынаючы з сакавіка 2020 года аздараўленне беларускіх дзяцей за мяжой прыпынена ў сувязі з правядзеннем мерапрыемстваў, накіраваных на процідзеянне распаўсюджванню COVID-19 у краінах-партнёрах.

версія для друку

зрабіць стартавай

дабавіць у выбранае