Прэзідэнцкія выбары-2025 у Беларусі

У Гомельскай вобласці выбары адбыліся - Ярмошына

Лідзія Ярмошына. Фота з архіва

9 жніўня, Мінск /Кар. БЕЛТА/. У Гомельскай вобласці выбары адбыліся: у рэгіёне прагаласавалі 54,44 працэнта выбаршчыкаў. Аб гэтым паведаміла старшыня ЦВК Лідзія Ярмошына сёння ў эфіры тэлеканала "Беларусь 1", перадае карэспандэнт БЕЛТА.

Да адзнакі 50 працэнтаў прагаласаваўшых наблізілася і Магілёўская вобласць - за 5 дзён датэрміновага галасавання свой выбар зрабілі 49,92 працэнта выбаршчыкаў.

У Брэсцкай вобласці на выбарчыя ўчасткі прыйшлі 38,4 працэнта выбаршчыкаў ад агульнай колькасці ўключаных у спісы па рэгіёне, у Віцебскай - 39,34 працэнта, Гродзенскай - 38,6 працэнта, Мінскай - 39,66 працэнта, у Мінску - 33,4 працэнта.

Яўка па краіне склала 41,7 працэнта.

Паводле апошніх даных ЦВК, агульная колькасць выбаршчыкаў, уключаных у спісы, складае 6 829 937 чалавек.

Датэрміновае галасаванне праходзіла з 4 па 8 жніўня. 9 жніўня - асноўны дзень галасавання на выбарах прэзідэнта Беларусі.

версія для друку

зрабіць стартавай

дабавіць у выбранае