Прэзідэнцкія выбары-2025 у Беларусі

ЦВК зарэгістравала ініцыятыўную групу Алега Гайдукевіча для вылучэння кандыдатам у Прэзідэнты

31 кастрычніка, Мінск /Кар. БЕЛТА/. ЦВК зарэгістравала ініцыятыўную групу па зборы подпісаў выбаршчыкаў у падтрымку Алега Гайдукевіча, які прапануецца для вылучэння кандыдатам у Прэзідэнты Рэспублікі Беларусь. Такое рашэнне прыняла на пасяджэнні ЦВК Беларусі, перадае карэспандэнт БЕЛТА.

"30 кастрычніка ў ЦВК пададзены дакументы аб рэгістрацыі ініцыятыўнай групы ў падтрымку вылучэння кандыдатам у Прэзідэнты Рэспублікі Беларусь Гайдукевіча Алега Сяргеевіча, 1977 года нараджэння, намесніка старшыні Пастаяннай камісіі па міжнародных справах Палаты прадстаўнікоў Нацыянальнага сходу Рэспублікі Беларусь, старшыні Ліберальна-дэмакратычнай партыі Беларусі, які пражывае ў горадзе Мінску. Дакументы ён падаў асабіста. Сярод дакументаў - усе неабходныя, - адзначыла начальнік аддзела прававой, аналітычнай і метадычнай работы апарату ЦВК Алена Грыгаровіч. - Па выніках праверкі прадстаўленых дакументаў кандыдатура Гайдукевіча Алега Сяргеевіча адпавядае патрабаванням, што прад'яўляюцца Канстытуцыяй і Выбарчым кодэксам да кандыдата на пасаду кіраўніка дзяржавы".

Пры рэгістрацыі ініцыятыўнай групе прысвоены нумар 2.

Выбары Прэзідэнта Беларусі назначаны на 26 студзеня 2025 года.

версія для друку

зрабіць стартавай

дабавіць у выбранае