Прэзідэнцкія выбары-2025 у Беларусі

Карпенка: збор подпісаў у падтрымку вылучэння кандыдатаў у Прэзідэнты ідзе актыўна

Фота з архiва

18 лістапада, Мінск /Кар. БЕЛТА/. Збор подпісаў у падтрымку вылучэння кандыдатаў у Прэзідэнты Рэспублікі Беларусь ідзе даволі актыўна. Аб гэтым заявіў журналістам старшыня ЦВК Ігар Карпенка, перадае карэспандэнт БЕЛТА.

У Беларусі прадаўжаецца збор подпісаў у падтрымку вылучэння кандыдатаў у Прэзідэнты Рэспублікі Беларусь. Члены ініцыятыўных груп актыўна працуюць у розных кутках краіны. Збор подпісаў ажыццяўляецца на пікетах, а таксама па месцы жыхарства, работы (службы) выбаршчыкаў.

"Для ЦВК гэта, напэўна, самы лёгкі момант у выбарчай кампаніі - збор подпісаў, таму што ўся нагрузка на ініцыятыўных групах, якія зарэгістраваны. Яны ў розных фарматах праводзяць збор подпісаў: у выглядзе пікетаў, у выглядзе наведвання працоўных калектываў, у выглядзе размоў з грамадзянамі ў розных фарматах. Працэс ідзе, на наш погляд, даволі актыўна. Мы, вядома, назіраем за гэтым працэсам", - адзначыў Ігар Карпенка.

Выбаршчык павінен уласнаручна паставіць дату подпісу і распісацца ў падпісным лісце. Таксама выбаршчык мае права паставіць подпіс у падтрымку некалькіх кандыдатур, што прапануюцца для вылучэння кандыдатамі ў Прэзідэнты, але толькі адзін раз у падтрымку адной і той жа кандыдатуры.

"Хачу нагадаць нашым выбаршчыкам, што спецыфіка прэзідэнцкай выбарчай кампаніі менавіта ў тым, што вылучэнне кандыдатаў у Прэзідэнты адбываецца, у адрозненне ад адзінага дня галасавання, выключна адным спосабам - шляхам збору подпісаў грамадзян. Такіх подпісаў трэба сабраць не менш за 100 тыс., - падкрэсліў кіраўнік ЦВК. - Подпісы падаюцца ў тэрытарыяльныя камісіі, затым камісіі праводзяць іх праверку і прымаюцца рашэнні, якія накіроўваюцца ў ЦВК, дзе мы падводзім агульны вынік на момант рэгістрацыі кандыдатаў у Прэзідэнты. Групы працуюць, пажадаем ім поспехаў".

версія для друку

зрабіць стартавай

дабавіць у выбранае