Прэзідэнцкія выбары-2015 у Беларусі

26 жніўня, Мінск /Кар. БЕЛТА/. Работа наглядальнікаў місіі БДІПЧ АБСЕ ў час прэзідэнцкай кампаніі ў Беларусі ніякім чынам не прадугледжвае ўмяшання ў выбарчы працэс. Аб гэтым заявіў сёння журналістам кіраўнік місіі БДІПЧ АБСЕ Жак Фор, перадае карэспандэнт БЕЛТА.

"Наша роля ў тым, каб ажыццяўляць назіранне", - сказаў Жак Фор. Ён запэўніў, што работа наглядальнікаў місіі будзе будавацца на аснове прафесіяналізму, непрадузятасці, празрыстасці і аб'ектыўнасці.

Таксама ён паведаміў, што місія плануе правесці сустрэчы з прадстаўнікамі дзяржорганаў на розных узроўнях, грамадзянскай супольнасці і СМІ.