Прэзідэнцкія выбары-2015 у Беларусі

14 кастрычніка, Мінск /Кар. БЕЛТА/. Вынікі прэзідэнцкіх выбараў у Беларусі сведчаць аб кансалідацыі грамадства. Такое меркаванне карэспандэнту БЕЛТА выказаў член Пастаяннай камісіі Палаты прадстаўнікоў па бюджэце і фінансах кандыдат эканамічных навук Валерый Барадзеня.

"Вынікі прэзідэнцкіх выбараў у Беларусі сведчаць аб высокай палітычнай мабілізацыі народа, кансалідацыі грамадства перад тварам нейкіх нягод. Сёння можна назіраць няпростую геапалітычную сітуацыю, пэўныя крызісныя з'явы ў эканоміцы, якія выкліканы ў тым ліку адсутнасцю росту ў нашых асноўных гандлёвых партнёраў", - сказаў Валерый Барадзеня.

Паводле слоў дэпутата, мудрасць беларускага народа выяўляецца ў тым, што выбаршчыкі ў час выбараў пацвердзілі давер да таго курсу, які рэалізуецца шмат гадоў, і паказалі, што дасягненні, якія ёсць у краіне, правільна ацэньваюцца грамадствам.

У цэлым, паводле слоў Валерыя Барадзені, кампанія па выбарах Прэзідэнта Беларусі - гэта вельмі важная грамадска-палітычная падзея, з правядзеннем якой насельніцтва звязвае асаблівыя надзеі. "Галоўная электаральная падзея прайшла пад знакам спакою і стабільнасці. Я лічу, што нас чакае нармальнае, дынамічнае, паступальнае развіццё, спакойная палітычная эвалюцыя нашай нацыі і радзімы", - сказаў ён.