Прэзідэнцкія выбары-2015 у Беларусі

"Пачаўся перыяд перадвыбарнай агітацыі. На гэтым этапе як ніколі важна ўмець расстаўляць прыярытэты. Думаю, што, параўноўваючы жыццё ў многіх нашых сумежных дзяржавах, усе шчаслівыя ад таго, што ў нас мір і яснае неба над галавой. Я лічу, што гэта вялікая наша каштоўнасць. І, увогуле, кожны, прымаючы рашэнне на выбарах, павінен цаніць тое, што ў нас створана ў суверэннай Беларусі за апошнія 20 гадоў. Сёння Беларусь - дастойная краіна, дастойная дзяржава. І мы павінны старацца прымнажаць багацці, якія напрацавалі за перыяд суверэннай дзяржавы", - сказаў парламентарый.

Гаворачы аб формах і метадах перадвыбарнай агітацыі, Віктар Валюшыцкі адзначыў, што яму больш даспадобы індывідуальная работа з выбаршчыкамі. "Калі абмяркоўвалася пытанне аб тым, каб забараніць заканадаўча збор подпісаў па кватэрах, асабіста я выступіў супраць, таму што лічу, што гэта было б няправільна. Наадварот, пры абходзе кватэр ёсць магчымасць прамога кантакту з выбаршчыкамі. Людзі выказваюць свае пажаданні, захапленні або незадаволенасць той ці іншай падзеяй. Размова дае вялікую пажыву для разваг, дапамагае ў прыняцці дзяржаўных рашэнняў", - агучыў свой пункт гледжання дэпутат.

Цяпер парламентарыі праводзяць работу ў выбарчых акругах - сустракаюцца з выбаршчыкамі па месцы жыхарства, у працоўных калектывах, праводзяць прыёмы грамадзян. Адначасова ідзе падрыхтоўка да асенняй сесіі, якая адкрыецца 2 кастрычніка. Паводле слоў старшыні пастаяннага камітэта, дэпутатам трэба разгледзець вялікі пласт эканамічных пытанняў. "У нашай камісіі ідзе падрыхтоўка найбольш значных законапраектаў. Гэта праект аб дзяржаўна-прыватным партнёрстве, які плануецца разгледзець у першым чытанні. Наперадзе яшчэ прыняцце прагнозу сацыяльна-эканамічнага развіцця на будучы год і будучую пяцігодку, прыняцце бюджэту. Плануем таксама прыняць законапраект аб індыкатыўным планаванні. Словам, ідзе спланаваная работа", - рэзюмаваў Віктар Валюшыцкі.