Прэзідэнцкія выбары-2015 у Беларусі
У маніторынгу выбараў Прэзідэнта плануецца ўдзел 40 доўгатэрміновых і 400 кароткатэрміновых наглядальнікаў ад АБСЕ
6 жніўня, Мінск /Таццяна Пастушэнка - БЕЛТА/. У маніторынгу выбараў Прэзідэнта плануецца ўдзел 40 доўгатэрміновых і 400 кароткатэрміновых наглядальнікаў ад АБСЕ, заявіла сёння журналістам старшыня Цэнтрвыбаркама Беларусі Лідзія Ярмошына па выніках пасяджэння ЦВК, на якім разглядаліся пытанні падрыхтоўкі і правядзення маючых адбыцца выбараў, перадае карэспандэнт БЕЛТА.
"Была выказана прапанова рабочай групы АБСЕ, якая прыязджала да нас, што недзе да 1 верасня ў краіне будзе прысутнічаць амаль 40 доўгатэрміновых наглядальнікаў ад АБСЕ. Плануецца, што кароткатэрміновых наглядальнікаў будзе каля 400 чалавек", - паведаміла Лідзія Ярмошына.
"Колькі прыбудзе ад СНД, нам невядома, але ўжо Садружнасць падала заяву аб акрэдытацыі першых міжнародных наглядальнікаў на чале са спадаром Лебедзевым (старшынёй Выканаўчага камітэта - выканаўчым сакратаром СНД Сяргеем Лебедзевым)", - заўважыла яна.
Акрамя таго, паводле слоў Лідзіі Ярмошынай, у вуснай або пісьмовай форме пацвердзілі сваю гатоўнасць прыехаць у Беларусь для назірання за галоўнай электаральнай падзеяй прадстаўнікі ЦВК розных краін. "Таму прыедуць, я лічу, усе, хто запрошаны", - рэзюмавала яна.
версія для друку
зрабіць стартавай
дабавіць у выбранае