Прэзідэнцкія выбары-2015 у Беларусі
ЦВК апублікавала інфармацыю аб папаўненні спецыяльных выбарчых рахункаў кандыдатаў у прэзідэнты
16 верасня, Мінск /Кар. БЕЛТА/. Цэнтрвыбаркам Беларусі апублікаваў на сваім сайце інфармацыю аб агульнай суме сродкаў, што паступілі ў выбарчыя фонды кандыдатаў у прэзідэнты, паведамляе БЕЛТА.
Так, на рахунак Таццяны Караткевіч па стане на 16 верасня паступіла Br400 тыс., на рахунак Аляксандра Лукашэнкі - больш як Br202 млн. На выбарчыя рахункі Сяргея Гайдукевіча і Мікалая Улаховіча грошы пакуль не пералічаліся.
Крыніцамі фарміравання асабістага фонду кандыдата ў прэзідэнты з'яўляюцца яго ўласныя грашовыя сродкі, прычым іх гранічны памер не можа перавышаць 9 тыс. базавых велічынь. Такім чынам, на сённяшні дзень максімальны памер фонду складае Br1 млрд 620 млн (адна БВ цяпер - Br180 тыс.). Акрамя таго, да крыніц адносяцца добраахвотныя ахвяраванні грамадзян Беларусі (памер кожнага з іх не можа перавышаць 20 БВ) і добраахвотныя ахвяраванні юрыдычных асоб (не больш як 50 БВ).
Сродкі пазабюджэтнага фонду павінны быць выкарыстаны на аплату дадатковых расходаў, звязаных з правядзеннем выбараў кіраўніка дзяржавы. Гэта выраб інфармацыйных матэрыялаў аб кандыдатах на пасаду Прэзідэнта, плакатаў з датай выбараў, матэрыяльна-тэхнічнае забеспячэнне тэрытарыяльных і ўчастковых камісій, а таксама на аплату іншых расходаў, непасрэдна звязаных з выбарчай кампаніяй.
Унясенне ахвяраванняў заканчваецца: ад фізічных асоб - 10 кастрычніка, ад юрыдычных асоб - 9 кастрычніка 2015 года.
версія для друку
зрабіць стартавай
дабавіць у выбранае