Прэзідэнцкія выбары-2015 у Беларусі

11 кастрычніка, Мінск /Хрысціна Рашанок - БЕЛТА/. Кандыдат у прэзідэнты Беларусі Таццяна Караткевіч падтрымала на выбарах сваю кандыдатуру. Аб гэтым яна заявіла журналістам пасля галасавання на выбарчым участку, перадае карэспандэнт БЕЛТА.

Выйшаўшы з кабінкі для галасавання, Таццяна Караткевіч прадэманстравала журналістам бюлетэнь з птушкай насупраць свайго прозвішча. Кандыдат у прэзідэнты таксама падзякавала сваёй камандзе і выбаршчыкам, якія падтрымліваюць яе на выбарах. "Я ўпэўнена, што наперадзе ў нас шмат работы. У нас ёсць сілы, каб заставацца ў палітыцы", - сказала яна.

Таццяна Караткевіч падкрэсліла, што не стане заклікаць сваіх выбаршчыкаў выйсці на плошчу. "Не хацелася б, каб людзі, якія галасавалі за мірныя перамены, трапілі пад правакацыі іншых палітычных сіл", - адзначыла кандыдат.