Прэзідэнцкія выбары-2015 у Беларусі
Шчокін: Дата выбараў адпавядае патрабаванням заканадаўства і дае магчымасць усім выкласці прапановы
30 чэрвеня, Мінск /Кар. БЕЛТА/. Дата выбараў Прэзідэнта Беларусі, назначаная на 11 кастрычніка 2015 года, поўнасцю адпавядае патрабаванням дзеючага заканадаўства. Такое меркаванне выказаў карэспандэнту БЕЛТА кандыдат філасофскіх навук дацэнт Мікалай Шчокін.
"Сёння міжнародная сітуацыя і вынікі сусветнага эканамічнага крызісу не дазваляюць грамадзянам фармальна паставіцца да выбараў. А, значыць, і да таго, як будзе развівацца Беларусь у далейшым", - падкрэсліў эксперт.
Паводле яго слоў, на сусветнай арэне назіраецца вострае проціборства паміж буйнымі дзяржавамі, цэнтрамі "цяжару", і ў гэтай сітуацыі як ніколі важна захаваць стабільнасць у Беларусі. Тым самым забяспечыўшы дастойны ўзровень жыцця людзей.
"Што датычыцца даты выбараў, то яна поўнасцю адпавядае патрабаванням беларускага заканадаўства і дае магчымасць усім зацікаўленым выкласці свае прапановы па далейшым паступальным развіцці нашай Айчыны. Хацелася б убачыць у праграмах так званых апазіцыйных кандыдатаў як мага больш канструктыву", - адзначыў Мікалай Шчокін.
На яго думку, беларускае грамадства з'яўляецца ўжо сталым і наўрад ці будзе шарахацца з боку ў бок. "Гэта асаблівасць нашага менталітэту, які дае магчымасць прытрымлівацца мудрага жыццёвага правіла "ад дабра дабра не шукаюць", - дадаў эксперт.
версія для друку
зрабіць стартавай
дабавіць у выбранае