Прэзідэнцкія выбары-2015 у Беларусі

"У нашых планах 303 выбарчыя ўчасткі. На іх будуць задзейнічаны 909 інтэрв'юераў. На кожным выбарчым участку будуць па тры чалавекі, якія правядуць выбарачнае апытанне 10 тыс. выбаршчыкаў. Мы будзем працаваць ва ўсіх рэгіёнах Беларусі, апытаем усе без выключэння слаі насельніцтва і ўзроставыя катэгорыі", - расказаў Крысціян Херпфер.

Паводле слоў дырэктара інстытута, інтэрв'юерамі ў тым ліку стануць беларускія студэнты. "Мы стварылі цэлую сетку з вопытных прафесараў і акадэмікаў, якія праходзілі падрыхтоўку на базе нашага інстытута. Яны займаліся падрыхтоўкай беларускіх студэнтаў. Акрамя таго, студэнты атрымалі вялікую практыку ў час правядзення так званага палявога апытання", - адзначыў ён.

Інстытут параўнальных сацыяльных даследаванняў "Еўразійскі барометр" праводзіць апытанні ў Беларусі з 1994 года. Ён уяўляе сабой міжнародную некамерцыйную няўрадавую арганізацыю са штаб-кватэрай у Вене (Аўстрыя).

Інстытут складаецца з навукова-даследчых арганізацый і асобных даследчыкаў, якія працуюць у 25 краінах. Асноўная мэта работы сацыёлагаў - маніторынг грамадскай думкі ў кантэксце палітычных, сацыяльных і эканамічных пераўтварэнняў у краінах посткамуністычнай Еўропы і постсавецкай Еўразіі. Геаграфічны мэтавы ахоп уключае ў сябе краіны Усходняй Еўропы (Беларусь, Украіна, Малдова, Венгрыя, Румынія, Славакія, Балгарыя), Балканы, Расію, Каўказ (Арменія, Азербайджан, Грузія) і Цэнтральную Азію (Казахстан, Кыргызстан).