Прэзідэнцкія выбары-2015 у Беларусі

"Аднак гэта лічба пакуль толькі мяркуемая. Мы не можам спрагназаваць, колькі людзей прыйдзе на ўчасткі галасаваць, таму складана сказаць дакладны працэнт выбаршчыкаў, які будзе апытаны", - растлумачыў Юрый Чарняк.

Паводле слоў кіраўніка лабараторыі, усяго ў правядзенні апытання грамадскай думкі на выхадзе з выбарчых участкаў 11 кастрычніка будзе задзейнічана больш як 1 тыс. чалавек. Асноўная частка зоймецца апытаннем выбаршчыкаў на выхадзе з 308 сельскіх і гарадскіх выбарчых участкаў. Колькасць участкаў вызначана ў адпаведнасці з методыкай правядзення апытання на выхадзе і дае магчымасць атрымаць інфармацыю па папярэдніх выніках галасавання з дакладнасцю плюс-мінус 5 працэнтаў. Работа інтэрв'юераў БКМА пачнецца ў 8.00.

"Усе інтэрв'юеры прайшлі навучанне. У дзень выбараў яны будуць экіпіраваны ў курткі БКМА, пры сабе ў іх будуць спецыяльныя бэйджы, пасведчанні, неабходная дакументацыя ўстаноўленага парадку для правядзення апытання", - адзначыў кіраўнік лабараторыі.

Масавымі сацыялагічнымі апытаннямі БКМА займаецца з 2004 года. Толькі за апошнія паўгода Маладзёжная лабараторыя сацыялагічных даследаванняў БКМА правяла шэраг сацыялагічных даследаванняў на розныя тэматыкі, а таксама прайшла акрэдытацыю ў Камісіі па апытаннях грамадскай думкі пры Нацыянальнай акадэміі навук Беларусі і атрымала права на правядзенне апытанняў аб рэспубліканскіх рэферэндумах, выбарах Прэзідэнта Беларусі, дэпутатаў Палаты прадстаўнікоў і членаў Савета Рэспублікі Нацыянальнага сходу Беларусі і аб грамадска-палітычнай сітуацыі ў краіне.

Беларускі камітэт маладзёжных арганізацый аб'ядноўвае 36 маладзёжных і дзіцячых арганізацый. Аб'яднанні, што ўваходзяць у склад саюза, уносяць свой уклад у арганізацыю і правядзенне экзітполу з улікам спецыфікі дзейнасці і сваіх магчымасцей.