Прэзідэнцкія выбары-2015 у Беларусі

11 кастрычніка, Мінск /Аліна Грышкевіч - БЕЛТА/. Прэзідэнт Беларусі Аляксандр Лукашэнка прапануе выпрацаваць міжнародныя стандарты правядзення выбараў. Аб гэтым ён заявіў сёння, адказваючы на пытанні журналістаў пасля галасавання на выбарчым участку нумар 1, перадае карэспандэнт БЕЛТА.

Кіраўнік дзяржавы падкрэсліў: "Калі мы хочам з вамі адпавядаць нейкім стандартам, давайце раз і назаўсёды, будзе гэта ў рамках ААН, што мы прапаноўвалі разам з Расіяй, ці гэта ў рамках АБСЕ, тое, што мы прапануем ад імя СНД і ЕАЭС, выпрацуем гэтыя стандарты. І калі мы іх прымем і падпішамся пад імі, мы свята будзем іх выконваць".

Аляксандр Лукашэнка таксама сказаў: "Калі нам замежныя госці, наглядальнікі і проста летуценнікі падказваюць нешта талковае, і мы бачым, што гэта наша перспектыва, мы неадкладна бяром на ўзбраенне. І такіх было нямала ў працэсе выбараў, ці гэта парламенцкія, ці гэта прэзідэнцкія. Таму калі мы гаворым аб стандартах, то стандарты пакуль не выпрацаваны".