Прэзідэнцкія выбары-2015 у Беларусі
Купчына абмеркавала з кіраўніцтвам ПА АБСЕ падрыхтоўку да прэзідэнцкіх выбараў у Беларусі
11 верасня, Мінск /Кар. БЕЛТА/. Намеснік міністра замежных спраў Беларусі Алена Купчына 9-11 верасня знаходзілася з рабочым візітам у Стакгольме. Аб гэтым БЕЛТА паведамілі ў прэс-службе беларускага знешнепалітычнага ведамства.
Алена Купчына на сустрэчы з намеснікам старшыні Парламенцкай асамблеі АБСЕ, кіраўніком дэлегацыі парламента Швецыі ў ПА АБСЕ, спецыяльным каардынатарам кароткатэрміновых наглядальнікаў АБСЕ на выбарах Прэзідэнта Беларусі Кентам Харстэдам абмянялася меркаваннямі адносна развіцця сітуацыі ў рэгіёне і падрыхтоўкі да прэзідэнцкіх выбараў у Беларусі.
Адбылася таксама сустрэча намесніка міністра замежных спраў Беларусі з дзяржаўным сакратаром па замежных справах МЗС Швецыі Анікай Сёдэр. Бакі абмеркавалі ўвесь спектр пытанняў супрацоўніцтва паміж Беларуссю і Каралеўствам Швецыя, разгледзелі тэматыку актывізацыі ўзаемадзеяння ў палітычнай і гандлёва-эканамічнай сферах, а таксама па лініі Беларусь - Еўрасаюз.
версія для друку
зрабіць стартавай
дабавіць у выбранае