Прэзідэнцкія выбары-2015 у Беларусі
Ярмошына: Замежныя наглядальнікі пачнуць масава прыбываць у Беларусь 8 кастрычніка
7 кастрычніка, Мінск /Кар. БЕЛТА/. Замежныя наглядальнікі пачнуць масава прыбываць у Беларусь для маніторынгу прэзідэнцкіх выбараў 8 кастрычніка, паведаміла сёння журналістам кіраўнік Цэнтральнай выбарчай камісіі Лідзія Ярмошына, перадае карэспандэнт БЕЛТА.
"Заўтра прыязджае шмат маіх калег з краін СНД - армянская, узбекская, таджыкская дэлегацыі", - расказала старшыня ЦВК. Таксама, паводле яе слоў, у пятніцу прыбудуць наглядальнікі з Латвіі, вечарам прыляціць кіраўнік Цэнтрвыбаркама Расіі Уладзімір Чураў. "Вельмі шмат ранішніх рэйсаў - Малдова, Украіна і гэтай далей", - праінфармавала Лідзія Ярмошына.
Напярэдадні асноўнага дня выбараў яна сустрэнецца з дэлегацыяй Парламецкага сходу Саюза Беларусі і Расіі. "У суботу ў мяне запланавана сустрэча з наглядальнікамі ад місіі СНД. У пятніцу пасля абеду ў мяне брыфінг для кароткатэрміновых наглядальнікаў АБСЕ, якія прыбываюць у Беларусь", - дадала Лідзія Ярмошына.
Акрамя таго, у суботу раніцай старшыня ЦВК сустрэнецца з місіяй наглядальнікаў ШАС. Лідзія Ярмошына таксама нагадала, што ўпершыню як самастойная на выбарах будзе прысутнічаць кітайская дэлегацыя, з яе прадстаўнікамі яна сустрэнецца ў суботу.
Усяго, паводле апошніх даных, у Беларусі акрэдытавана 918 міжнародных наглядальнікаў. У тым ліку ад БДІПЧ АБСЕ - 344, ад выбарчых органаў замежных дзяржаў - 19, ад СНД - 382, ад дыпламатычнага корпуса - 64, незалежных наглядальнікаў - 19.
версія для друку
зрабіць стартавай
дабавіць у выбранае