Прэзідэнцкія выбары-2015 у Беларусі
Ярмошына: Нелегальнага фінансавання фондаў кандыдатаў у прэзідэнты няма
16 верасня, Мінск /Кар. БЕЛТА/. Нелегальнага фінансавання фондаў кандыдатаў у прэзідэнты Беларусі няма. Аб гэтым сёння ў час анлайн-канферэнцыі на сайце БЕЛТА заявіла старшыня Цэнтрвыбаркама Беларусі Лідзія Ярмошына.
Адказваючы на пытанне аб тым, ці вядомы ёй факты такіх парушэнняў, кіраўнік Цэнтрвыбаркама адзначыла: "Мы маем справу толькі з легальнымі крыніцамі даходаў, гэта значыць толькі з тым, што паступае на рахунак у Беларусбанку".
"Мы не ведаем, хто з кандыдатаў, магчыма, атрымлівае сродкі па-за гэтым - наяўнымі ў каробцы з-пад ксеракса. Аднак, мяркуючы па сціпласці выбарчых кампаній, думаю, што такога фінансавання няма. Фінансаванне сапраўды ідзе легальна", - лічыць Лідзія Ярмошына.
У гэтым годзе прэтэндэнты на вышэйшую дзяржаўную пасаду могуць фарміраваць фінансавыя фонды з асабістых сродкаў, а таксама за кошт ахвяраванняў юрыдычных і фізічных асоб.
версія для друку
зрабіць стартавай
дабавіць у выбранае