Прэзідэнцкія выбары-2015 у Беларусі
Ярмошына: Грамадска-палітычная актыўнасць моладзі павінна быць вышэйшая
17 верасня, Мінск /Кар. БЕЛТА/. Грамадска-палітычная актыўнасць моладзі павінна быць вышэйшая. Такое меркаванне 17 верасня выказала старшыня Цэнтрвыбаркама Беларусі Лідзія Ярмошына ў час Адзінага дня інфармавання па тэме "Выбары Прэзідэнта Рэспублікі Беларусь - найважнейшая палітычная падзея ў жыцці краіны" ў Акадэміі кіравання пры Прэзідэнце Беларусі, паведамляе БЕЛТА.
Лідзія Ярмошына лічыць, што ў цэлым маладыя людзі недастаткова ўдзельнічаюць у жыцці дзяржавы. Пры гэтым яна выказала надзею, што са сцен Акадэміі кіравання выйдуць актыўныя патрыёты сваёй краіны.
Акрамя таго, старшыня ЦВК адзначыла цвярозыя настроі ў грамадстве ў ходзе выбарчай кампаніі па выбарах Прэзідэнта Рэспублікі Беларусь. "Не трэба ганяцца за экстрымам, заўсёды чапляюць нейкія падзеі, якія выбіваюцца з агульных рамак. Думаю, тое, што ў грамадстве ставяцца да гэтага цвяроза, магчыма, нават холадна, у гэтым няма нічога дрэннага. Гэта сведчыць аб устойлівых поглядах, аб тым, што грамадства стабільнае, яно не чакае месію, яно чакае звычайнага эфектыўнага менеджара, які гатовы кіраваць краінай", - падкрэсліла Лідзія Ярмошына.
версія для друку
зрабіць стартавай
дабавіць у выбранае