Прэзідэнцкія выбары-2015 у Беларусі
Ярмошына: Форма фінансавання кампаніі праз асабістыя фінансавыя фонды кандыдатаў прыжываецца ў Беларусі
6 кастрычніка, Мінск /Кар. БЕЛТА/. Форма фінансавання кампаніі праз асабістыя фінансавыя фонды кандыдатаў прыжываецца ў Беларусі. Такое меркаванне 5 кастрычніка выказала старшыня Цэнтральнай камісіі па выбарах і правядзенні рэспубліканскіх рэферэндумаў Лідзія Ярмошына ў сваім відэазвароце на сайце vybory2015.by, паведамляе карэспандэнт БЕЛТА.
"Усе кандыдаты ў прэзідэнты стварылі асабістыя фінансавыя фонды, з якіх аплачвалі сваю перадвыбарную агітацыйную прадукцыю, а таксама іншыя расходы, звязаныя з правядзеннем выбараў. Прыемна бачыць, што гэта форма фінансавання прыжываецца ў нас у краіне і ў хуткім часе стане прывычнай. Мы ўсё больш адыходзім ад бюджэтнага фінансавання перадвыбарнай агітацыі", - сказала Лідзія Ярмошына.
Паводле слоў старшыні Цэнтральнай камісіі Беларусі па выбарах і правядзенні рэспубліканскіх рэферэндумаў, у цэлым выбарчая кампанія 2015 года пацвярджае, што беларускае выбарчае заканадаўства развіваецца ў правільным ключы, а дэмакратычныя працэдуры становяцца выразнымі і добра ўспрымаюцца ўсім насельніцтвам.
Акрамя таго, Лідзія Ярмошына звярнула ўвагу, што інфармацыйны інтэрнэт-рэсурс vybory2015.by будзе замарожаны пасля выбараў і падвядзення іх вынікаў, аднак, усе табліцы электаральнай статыстыкі з вынікамі застануцца даступнымі для ўсіх жадаючых з імі азнаёміцца.
версія для друку
зрабіць стартавай
дабавіць у выбранае