Прэзідэнцкія выбары-2015 у Беларусі

Як адзначыла Лідзія Ярмошына, цяперашняя кампанія па выбарах Прэзідэнта будзе пятая. Папярэднія выбары праводзіліся 23 чэрвеня 1994 года (другі тур - 10 ліпеня), 9 верасня 2001 года, 19 сакавіка 2006 года і 19 снежня 2010 года. "Прычым у 2006 годзе гранічным тэрмінам правядзення выбараў было 19 ліпеня, праведзены ж выбары былі 19 сакавіка. А для наступных выбараў гранічным тэрмінам было 7 лютага 2011 года, выбары ж былі праведзены 19 снежня 2010 года. Гэта я адказваю крытыкам, якія цяпер ужо ўзбудзіліся - у прыватнасці, у некаторых газетах, што адносяць сябе да катэгорыі апазіцыйных, гучаць меркаванні асобных юрыстаў, што выбары ў тым выпадку, калі яны праводзяцца не ў апошнюю нядзелю, а на месяц раней, з'яўляюцца нелегітымнымі і гэтак далей. Усё гэта абсалютна надуманыя пярэчанні. Яны, увогуле, вынікаюць са звычайнага духу пярэчання, які займае крытыка ўлады заўсёды напярэдадні выбараў", - падкрэсліла яна.

"Таму раней, калі выбары пераносіліся на больш ранні тэрмін і гэты перанос быў сапраўды рэальны, такой крытыкі не было - прынамсі, па гэтых падставах", - заўважыла старшыня ЦВК.

Яна таксама нагадала, што ўсяго ў выбарах за гэтыя гады ўдзельнічалі 23 кандыдаты ў Прэзідэнты Беларусі. "Пры гэтым я заўсёды называю колькасць - 24 кандыдаты, таму што ў 2001 годзе кандыдатаў было фактычна чатыры, проста напярэдадні дня выбараў адзін з іх зняў сваю кандыдатуру", - растлумачыла Лідзія Ярмошына.