Прэзідэнцкія выбары-2015 у Беларусі
Гумінскі і Канерва абмеркавалі ўдзел ПА АБСЕ ў назіранні за выбарамі Прэзідэнта Беларусі
8 ліпеня, Мінск /Кар. БЕЛТА/. Кіраўнік дэлегацыі Нацыянальнага сходу Рэспублікі Беларусь у Парламенцкай асамблеі Арганізацыі па бяспецы і супрацоўніцтве ў Еўропе (ПА АБСЕ) Віктар Гумінскі сустрэўся ў Хельсінкі са старшынёй ПА АБСЕ Ілкам Канервам, паведамілі БЕЛТА ў прэс-службе Палаты прадстаўнікоў.
"Абмяркоўваліся пытанні ўдзелу парламента Беларусі ў дзейнасці ПА АБСЕ, шляхі ўрэгулявання сітуацыі ва Украіне, уключаючы ўклад нашай краіны і ролю ПА АБСЕ ў міжнародных намаганнях у гэтым напрамку, праблематыка ўдзелу ПА АБСЕ ў міжнародным назіранні за выбарамі Прэзідэнта Беларусі, а таксама развіцця беларуска-фінляндскага супрацоўніцтва", - растлумачылі ў Палаце прадстаўнікоў.
Парламенцкая дэлегацыя Беларусі прадаўжае ўдзел у рабоце 24-й штогадовай сесіі ПА АБСЕ. "Беларускія парламентарыі прынялі актыўны ўдзел у пленарным пасяджэнні Асамблеі і пасяджэннях трох агульных камітэтаў ПА АБСЕ: па палітычных пытаннях і бяспецы; па эканамічных пытаннях, навуцы, тэхналогіі і навакольным асяроддзі; па пытаннях дэмакратыі, правоў чалавека і гуманітарных пытаннях. Асамблея падтрымала шэраг беларускіх паправак да праектаў рэзалюцый ПА АБСЕ", - дадалі ў Палаце прадстаўнікоў.
Адбыліся таксама сустрэчы беларускіх парламентарыяў з кіраўнікамі і членамі парламенцкіх дэлегацый Азербайджана, Арменіі, Балгарыі, Вялікабрытаніі, Германіі, Грузіі, Італіі, Казахстана, Кыргызстана, Манголіі, Польшчы, ЗША, Таджыкістана, Украіны, Францыі, Чэхіі, Швецыі, Эстоніі.
версія для друку
зрабіць стартавай
дабавіць у выбранае