Прэзідэнцкія выбары-2015 у Беларусі

11 кастрычніка, Мінск /Кар. БЕЛТА/. На ўчастках для галасавання па ўсёй Беларусі, паводле ўдакладненых даных, працуе 43 751 нацыянальны наглядальнік, паведаміў сёння журналістам сакратар Цэнтрвыбаркама Беларусі Мікалай Лазавік, перадае карэспандэнт БЕЛТА.

Атрымліваецца, што ў сярэднім на адзін участак прыпадае па 7 наглядальнікаў, хоць, вядома, яны размеркаваны нераўнамерна. "У гарадах - больш, у сельскай мясцовасці - менш. У Мінску гэта нават каля паўтара дзясятка наглядальнікаў на ўчастку", - сказаў Мікалай Лазавік.

Ён таксама нагадаў, што, паводле старых звестках, колькасць наглядальнікаў складала больш за 37 тыс.

Акрамя таго, сакратар ЦВК растлумачыў, што норма аб галасаванні па месцы знаходжання не азначае, што любы грамадзянін можа галасаваць на любым участку. Норма датычыцца асаблівых выпадкаў, напрыклад, гэта датэрміновае галасаванне.