Усебеларускі народны сход

17 мая, Мінск /Васіль Малашэнкаў - БЕЛТА/. Маючы адбыцца Усебеларускі народны сход вызначыць бізнес-план краіны на пяцігодку. Такое меркаванне выказаў сёння журналістам рэктар Акадэміі кіравання пры Прэзідэнце Беларусі Марат Жылінскі, перадае карэспандэнт БЕЛТА.

"Гэта будзе бізнес-план краіны на пяцігодку: што, як, навошта, чаму, - адзначыў Марат Жылінскі. - Безумоўна, будзе зроблена і работа над памылкамі. Пытанні ёсць і да ўрада, у тым ліку. Чаго дасягнулі, чаго не дасягнулі? Самае галоўнае - якія прычыны?"

Рэктар растлумачыў, што гэтыя пытанні будуць абмяркоўвацца сёння на рэспубліканскай нарадзе ідэалагічнага актыву на базе Акадэміі кіравання. Марат Жылінскі падкрэсліў, што неабходна прааналізаваць, што адбылося за апошнія пяць гадоў у краіне. "Дзе не спрацавалі, а дзе наадварот атрымалі эфектыўныя вынікі", - растлумачыў рэктар.

Паводле яго слоў, маючы адбыцца Усебеларускі сход стане адной з трох важных падзей гэтага года. Іншыя важныя падзеі - парламенцкія выбары, а таксама Пасланне Прэзідэнта Беларускаму парламенту і народу, якое ўжо адбылося.

Сёння на базе Акадэміі кіравання ідэолагам трэба будзе зверыць гадзіннікі, узняць пытанні, у тым ліку і тыя, якія плануецца абмеркаваць на Усебеларускім народным сходзе. "Таму тут прысутнічаюць прадстаўнікі ўсіх раёнаў і гарадоў рэспублікі, - адзначыў Марат Жылінскі. - Тут мы будзем абмяркоўваць у тым ліку і злабадзённыя пытанні, якія стаяць на парадку дня. Безумоўна, гэта будзе датычыцца і ўнутрыпалітычнага жыцця, і знешніх пытанняў".