Усебеларускі народны сход
Шуневіч: Міліцыя поўнасцю падрыхтавалася да забеспячэння правапарадку на V Усебеларускім сходзе
16 чэрвеня, Мінск /Кар. БЕЛТА/. Усе падраздзяленні органаў унутраных спраў гатовы да забеспячэння грамадскага парадку ў час правядзення V Усебеларускага народнага сходу. Аб гэтым сёння далажыў Прэзідэнту Беларусі Аляксандру Лукашэнку міністр унутраных спраў Ігар Шуневіч, перадае карэспандэнт БЕЛТА.
Кіраўнік дзяржавы пацікавіўся, як міліцыя выконвае сваю частку абавязкаў у ходзе падрыхтоўкі Усебеларускага народнага сходу, да якога застаўся літаральна тыдзень. Як было даложана Прэзідэнту, зроблены разлік сіл і сродкаў, якія будуць задзейнічаны для забеспячэння бяспекі пры правядзенні мерапрыемства. Міліцыя возьме пад ахову месцы знаходжання дэлегатаў, зоймецца суправаджэннем транспарту, будзе працаваць у месцах правядзення мерапрыемстваў Усебеларускага сходу.
Аляксандр Лукашэнка таксама пацікавіўся, як ідзе падрыхтоўка да святкавання 100-годдзя беларускай міліцыі ў 2017 годзе. "Мы павінны гэта дастойна адзначыць, - сказаў Прэзідэнт. - Народ нармальна ацэньвае, крытыкуе нас. Тым не менш наша міліцыя адбылася. Работы яшчэ дастаткова ў гэтым плане. Але стагоддзе ёсць стагоддзе - стагоддзе пражылі".
Міністр унутраных спраў далажыў Прэзідэнту аб плане падрыхтоўкі да святкавання стагадовага юбілею беларускай міліцыі. Кіраўнік дзяржавы яго рэалізацыю адобрыў.
Акрамя таго, Прэзідэнт запатрабаваў далажыць аб бягучай сітуацыі ў хакейным клубе "Дынама-Мінск". "Пара дакладна ставіць задачу перад камандай, на які ўзровень павінны выходзіць", - падкрэсліў кіраўнік дзяржавы. Аляксандр Лукашэнка закрануў таксама меры, якія неабходна прыняць для развіцця "Дынама-Мінск", і запатрабаваў больш якаснай і рэзультатыўнай гульні ў гэтым сезоне, "каб зноў не зняславіць сябе перад беларускім народам".
Ігар Шуневіч праінфармаваў Прэзідэнта аб камплектаванні каманды "Дынама-Мінск". Клуб падрыхтаваўся да падпісання шэрага кантрактаў, у тым ліку з легіянерамі, з хакеістамі РБ, з трэнерскім штабам. Кіраўнік дзяржавы ў цэлым адобрыў гэтыя прапановы.
версія для друку
зрабіць стартавай
дабавіць у выбранае