Усебеларускі народны сход

Галоўчанка: у вынесенай на УНС праграме развіцця Беларусі будуць улічаны ўсе крытычныя заўвагі

2 лютага, Мінск /Кар. БЕЛТА/. У вынесенай на Усебеларускі народны сход праграме развіцця краіны будуць улічаны ўсе крытычныя заўвагі. Аб гэтым заявіў сёння журналістам прэм'ер-міністр Раман Галоўчанка, перадае карэспандэнт БЕЛТА.

Праграма развіцця краіны, якая будзе абмяркоўвацца на УНС, паводле слоў Рамана Галоўчанкі, не протая і не банальная, у ёй закладзена шмат новых ідэй. Аднак ім яшчэ трэба быць адобранымі дэлегатамі форуму.

"Ужо нават у час абмеркаванняў на абласных сходах паступала шмат не проста прапаноў, але і крытычных выказванняў, - адзначыў прэм'ер-міністр. - Не сакрэт, што праграма распрацоўвалася ўрадам, і мы маем сваё бачанне на гэта. Але нейкія рэчы лепш відаць з глыбіні, а не здалёк. Таму даводзіцца карэкціраваць, і на самай справе цяпер уся сэнсавая работа накіравана на тое, каб актуалізаваць праграму, якая была распрацавана ва ўрадзе, і ўлічыць усе крытычныя заўвагі, якія паступаюць".

Раман Галоўчанка падкрэсліў, што гэты дакумент павінен стаць фактычна дарожнай картай развіцця Беларусі, таму павінен быць напоўнены канкрэтным зместам.

версія для друку

зрабіць стартавай

дабавіць у выбранае