Усебеларускі народны сход

Гайдукевіч: чакаю ад Усебеларускага народнага сходу канкрэтных рашэнняў па паляпшэнні жыцця ў краіне

11 студзеня, Мінск /Кар. БЕЛТА/. Чакаю ад Усебеларускага народнага сходу канкрэтных рашэнняў па паляпшэнні жыцця ў краіне. Аб гэтым сказаў у эфіры "Беларусь 1" намеснік старшыні Пастаяннай камісіі па міжнародных справах Палаты прадстаўнікоў, лідар Ліберальна-дэмакратычнай партыі Беларусі Алег Гайдукевіч, паведамляе БЕЛТА.

"Я абавязкова буду прымаць удзел ва Усебеларускім народным сходзе. Я чакаю ад яго, каб мы ўсяму свету, у першую чаргу сваім грамадзянам, паказалі дакладны план таго, што збіраемся рабіць у бліжэйшыя гады. Якой мы будзем бачыць нашу Беларусь, як хочам яе рэфармаваць, як хочам захаваць лепшае, што ў ёй ёсць, якіх хочам змяненняў. Таму што змяненні наспелі ў многіх сферах, але эвалюцыйныя змяненні - як мы гэта ўсё будзем рабіць, не разбураючы. І людзі чакаюць ужо канкрэтных рашэнняў і тэрмінаў, каб мы паказалі, што праз год будзе вось так, праз паўгода вось так", - сказаў Алег Гайдукевіч.

Парламентарый дадаў: "Я як дэпутат, як лідар партыі, як палітык, безумоўна, чакаю ад Усебеларускага народнага сходу канкрэтных рашэнняў па паляпшэнні жыцця ў нашай краіне, каб краіна станавілася мацнейшай і прыгажэйшай".

версія для друку

зрабіць стартавай

дабавіць у выбранае