70-годдзе Вялікай Перамогі

20 мая, Мінск /Кар. БЕЛТА/. Выдавецтва "Беларуская энцыклапедыя імя Петруся Броўкі" падрыхтавала кнігу з інфармацыяй пра кожны помнік у Беларусі, прысвечаны Вялікай Айчыннай вайне. Аб гэтым паведаміў сёння дырэктар выдавецтва Уладзімір Андрыевіч у час прэзентацыі кнігі "Перамога адна на ўсіх. Казахстан - Беларусь", перадае карэспандэнт БЕЛТА.

"Ва ўсіх раёнах мы працавалі з мясцовай уладай і зрабілі пашпарт кожнага помніка краіны. У пачатку чэрвеня кніга выйдзе, у ёй будуць таксама фатаграфіі некаторых помнікаў. На жаль, не ўсіх, таму што кніга атрымалася вялікага аб'ёму", - сказаў Уладзімір Андрыевіч.

Дырэктар выдавецтва паведаміў таксама, што ў будучым кніга ўвойдзе ў электронную энцыклапедыю Беларусі.