70-годдзе Вялікай Перамогі
Тэма 70-годдзя Вялікай Перамогі стане лейтматывам выстаўкі "СМІ ў Беларусі"
9 красавіка, Маладзечна /Кар. БЕЛТА/. Тэма 70-годдзя Перамогі ў Вялікай Айчыннай вайне стане лейтматывам XIX Міжнароднай выстаўкі "СМІ ў Беларусі". Аб гэтым паведаміла сёння на выязным пасяджэнні калегіі Міністэрства інфармацыі па пытаннях работы рэгіянальных СМІ кіраўнік ведамства Лілія Ананіч, перадае карэспандэнт БЕЛТА.
Выстаўка "СМІ ў Беларусі" пройдзе ў Мінску з 5 па 7 мая.
Лілія Ананіч дадала, што Гран-пры XI Нацыянальнага конкурсу друкаваных СМІ "Залатая Літара" будзе прысвечаны таксама тэме Вялікай Перамогі.
Тэматыка 70-годдзя вызвалення Беларусі ад фашысцкіх захопнікаў і 70-годдзя Вялікай Перамогі - адна з асноўных, якія асвятляюць рэспубліканскія і рэгіянальныя СМІ. У прыватнасці, у рэгіянальных выданнях адкрыты тэматычныя рубрыкі, спецпраекты, выпускаюцца ўкладышы. Акрамя таго, у рэспубліцы выдаюцца тэматычныя кнігі, беларускія тэлевізійныя каналы рыхтуюць праграмы, прысвечаныя 70-годдзю Вялікай Перамогі.
Міністр інфармацыі падкрэсліла, што важна больш актыўна, у тым ліку рэгіянальным СМІ, распаўсюджваць інфармацыю аб акцыях, што арганізуюцца Беларускім саюзам моладзі. Міністр дадала, што ў бягучым годзе адбудзецца ХХ Беларускі міжнародны медыяфорум "Партнёрства ў імя будучыні", актыўным удзельнікам якога Міністэрства інфармацыі чакае бачыць рэгіянальныя СМІ.
версія для друку
зрабіць стартавай
дабавіць у выбранае