70-годдзе Вялікай Перамогі

Як адзначыў кіраўнік ведамства, 9 Мая - адзін з вялікіх дзён, які беларусы захоўваюць у сваіх сэрцах. "Да яго святкавання нельга падыходзіць фармальна", - перакананы Барыс Святлоў.

Паводле слоў міністра, нягледзячы на тое, што з таго часу мінула ўжо 70 гадоў, памяць аб Вялікай Перамозе не страчвае актуальнасці, паколькі трагедыя Вялікай Айчыннай вайны закранула кожную беларускую сям'ю. "І калі ёсць калектыўны розум, то, напэўна, ёсць і калектыўнае сэрца, і ў сэрцах беларусаў памяць пра падзеі ваенных гадоў захоўваецца", - сказаў ён. Барыс Святлоў нагадаў, што ў бягучым годзе ў краіне шырока адзначаецца юбілей Вялікай Перамогі - праводзяцца тэматычныя мерапрыемствы, сустрэчы, канцэрты. "І ўсё гэта робіцца не для птушачкі, а ад душы", - заўважыў міністр культуры.