70-годдзе Вялікай Перамогі
Рапота: Цікавасць да тэмы 70-годдзя Перамогі ў Вялікай Айчыннай вайне не слабее
30 ліпеня, Масква /Эдуард Півавар - БЕЛТА/. Цікавасць да тэмы 70-годдзя Перамогі ў Вялікай Айчыннай вайне не слабее. Аб гэтым заявіў дзяржаўны сакратар Саюзнай дзяржавы Рыгор Рапота сёння ў час відэамоста Мінск-Масква "70 гадоў міру: урокі вайны і гісторыя агульнай Перамогі", перадае карэспандэнт БЕЛТА.
Рыгор Рапота адзначыў, што ўсе мерапрыемствы ў рамках Саюзнай дзяржавы ў гэтым годзе, асабліва сацыяльнай і маладзёжнай накіраванасці, так ці інакш прысвечаны юбілею Перамогі.
Відэамост быў прымеркаваны да падвядзення вынікаў конкурсу на лепшы ўрок па гісторыі Вялікай Айчыннай вайны. На думку Рыгора Рапоты, правядзенне такіх творчых спаборніцтваў важна не толькі для саміх выкладчыкаў, але і для развіцця гісторыі ў цэлым, а таксама выхавання падрастаючага пакалення. Мэтай конкурсу, паводле яго слоў, стала пазнанне гістарычнай праўды і адданне належнага тым, хто прынёс Перамогу ў Вялікай Айчыннай вайне.
Такі конкурс праводзіўся другі раз. У мінулым годзе ён быў прысвечаны Першай сусветнай вайне. Рыгор Рапота запэўніў, што конкурсы на лепшы ўрок гісторыі ў Саюзнай дзяржаве будуць праводзіцца і ў далейшым. "Гістарычныя тэмы невычэрпныя", - заўважыў дзяржсакратар.
версія для друку
зрабіць стартавай
дабавіць у выбранае