70-годдзе Вялікай Перамогі
Пасольствы Беларусі і Расіі ў Венгрыі дамовіліся аб супрацоўніцтве ў ваенна-мемарыяльнай сферы
3 красавіка, Мінск /Аліна Грышкевіч - БЕЛТА/. Пасольствы Беларусі і Расіі ў Венгрыі дамовіліся аб супрацоўніцтве ў ваенна-мемарыяльнай сферы. Аб гэтым карэспандэнту БЕЛТА паведамілі ў беларускай дыпмісіі ў Будапешце.
Пасол Беларусі ў Венгрыі Аляксандр Хайноўскі і кіраўнік расійскай дыпмісіі ў Венгрыі Уладзімір Сяргееў 3 красавіка падпісалі мемарандум аб супрацоўніцтве ў ваенна-мемарыяльнай сферы паміж пасольствамі краін СНД (Беларусь, Казахстан, Расія), якія акрэдытаваны ў Венгрыі. Дакумент прадугледжвае правядзенне сумесных памятных мерапрыемстваў і ўзаемадзеянне ў архіўнай рабоце па пошуку месц пахаванняў савецкіх воінаў на тэрыторыі Венгрыі і ўшанаванні іх памяці.
У гэты ж дзень прадстаўнікі дыпламатычных місій Беларусі, Расіі і Казахстана ў Венгрыі прынялі ўдзел ва ўрачыстай цырымоніі ўскладання вянкоў да помніка савецкім салдатам у цэнтры Будапешта. Мерапрыемства адбылося з нагоды 70-годдзя вызвалення Венгрыі ад нямецка-фашысцкіх захопнікаў.
версія для друку
зрабіць стартавай
дабавіць у выбранае