70-годдзе Вялікай Перамогі

Дэлегацыя з Пекіна на чале з мэрам горада Ван Аншунем прыбудзе ў Мінск з афіцыйным візітам напярэдадні 9 Мая. Кітайскія госці прымуць удзел ва ўрачыстых мерапрыемствах з нагоды святкавання 70-годдзя Вялікай Перамогі, ускладуць кветкі да абеліска "Мінск - горад-герой". Таксама дэлегацыя наведае гасцініцу "Пекін", жылы раён Лябяжы, Беларускі дзяржаўны музей гісторыі Вялікай Айчыннай вайны, Дом-музей I з'езда РСДРП, паўдзельнічае ў Беларуска-кітайскім міжрэгіянальным бізнес-форуме.

Дыпламатычныя адносіны паміж Беларуссю і Кітайскай Народнай Рэспублікай устаноўлены 20 студзеня 1992 года. У 2002 годзе паміж Мінгарвыканкамам і Народным урадам Пекіна падпісана пагадненне аб супрацоўніцтве ў гандлёва-эканамічнай, навукова-тэхнічнай і гуманітарнай сферах. У 1992 годзе ўстаноўлены пабрацімскія адносіны паміж Мінскам і Чанчунем, у 2014 годзе падпісана пагадненне аб устанаўленні пабрацімскіх адносін паміж Мінскам і Шэньчжэнем.