II Еўрапейскія гульні ў Беларусі

У Мінску выпусцяць талоны на праезд з лагатыпам ІІ Еўрапейскіх гульняў

26 лютага, Мінск /Кар. БЕЛТА/. У Мінску ў продажы з'явяцца талоны на праезд у грамадскім транспарце з лагатыпам II Еўрапейскіх гульняў, паведамілі БЕЛТА на прадпрыемстве "Мінсктранс".

Іх можна будзе набыць для паездкі ў аўтобусе, тралейбусе, трамваі, электробусе і аўтобусе экспрэсных маршрутаў. Чакаецца, што першая партыя талонаў будзе надрукавана ўжо ў сакавіку.

У канцы мінулага года ў горадзе ўвялі ў абарачэнне бескантактавыя смарт-карткі новага ўзору з сімволікай знакавай спартыўнай падзеі. На карткі нанесены назва "Праязны дакумент", выявы гарадскіх славутасцей, лагатып "Мінсктранса", карцінкі, якія абазначаюць шэсць відаў пасажырскага транспарту. На адваротным баку пазначаны залогавы кошт.

версія для друку

зрабіць стартавай

дабавіць у выбранае