II Еўрапейскія гульні ў Беларусі

6 лістапада, Мінск /Кар. БЕЛТА/. Прэзентацыя талісмана II Еўрапейскіх гульняў 2019 года ў Мінску адбудзецца 29 лістапада. Аб гэтым паведаміў сёння ў прэс-цэнтры БЕЛТА першы намеснік дырэктара фонду "Дырэкцыя II Еўрапейскіх гульняў 2019 года" Анатоль Котаў, перадае карэспандэнт БЕЛТА.

Для прэзентацыі талісмана плануецца задзейнічаць адну з залаў партнёраў Еўрапейскіх гульняў. На наступным тыдні адбудзецца сумесная з тэлебачаннем інспекцыя магчымасцей правядзення трансляцыі. У час прадстаўлення маскота II Еўрапейскіх гульняў арганізатары абяцаюць яркае шоу.

На I Еўрапейскіх гульнях у Баку талісманамі былі Джэйран (газель) і Нар (гранат).

Беларусь атрымала права правядзення II Еўрапейскіх гульняў на 45-й Генеральнай асамблеі ЕАК, якая прайшла ў Мінску 21 кастрычніка 2016 года. Спаборніцтвы II Еўрапейскіх гульняў пройдуць на буйнейшых спартыўных збудаваннях Мінска, уключаючы стадыён "Дынама", "Мінск-Арэну", "Чыжоўка-Арэну".